Кэйт Шеффард 

Шинэ Зеландад эмэгтэйчүүдийг улс төрийн ямар ч үйл ажиллагаанд оролцуулдаггүй, сонгууль өгөх ч эрхгүй байсан боловч 19-р зууны сүүлийн хагас гэхэд энэ байдал аажим аажмаар өөрчлөгдөж, эмэгтэйчүүд өөрсдийн эрхийн төлөө дуу хоолойгоо хүргэж эхэлжээ. Кэйт Шеффард бол Шинэ Зеландын сонгуулийн эрхийн төлөө тэмцэгчдийн хамгийн алдартай төлөөлөл. Нийт 32 мянган гарын үсэг бүхий 270 метр урт шаардлагыг парламентад өргөн барьж, хөдөлгөөнийг идэвхтэй өрнүүлснээр 1893 оны есдүгээр сарын 19-ний өдөр Шинэ Зеландын эмэгтэйчүүд үндэсний хэмжээнд санал өгөх эрхтэй болсон юм. Ингэснээр Шинэ Зеланд улс эмэгтэйчүүд сонгуульд санал өгөх эрхтэй анхны улс болж чадсан билээ. 

Эммелин Панкхёрст 

1889 онд Эммелин "Women's Franchise League" буюу "Эмэгтэйчүүдийн сонгуулийн эрхийн холбоо" байгуулж орон нутгийн сонгуульд эмэгтэйчүүдийн оролцох эрхийн төлөө тэмцэж эхэлжээ. 1903 оны 10 сард "Women's Social and Political Union" буюу "Эмэгтэйчүүдийн нийгэм, улс төрийн эвлэл" байгуулж, эмэгтэйчүүдийн сонгох эрх, сонгуулийн эрхийн төлөө улам бүр эрчтэй тэмцэх болсон. Эммелин Панкхёрстийн байгуулсан "Эмэгтэйчүүдийн нийгэм, улс төрийн эвлэл"-ийн гишүүдийг "suffragettes" буюу "сонгох эрх горилогсод" гэж тохуурхаж бичиж байжээ. Тэрээр тэмцлийнхээ туршид маш олон удаа баривчлагдсан ч эмэгтэйчүүдийн сонгуульд саналаа өгөх эрхийн төлөө тэмцлээсээ хэзээ ч нүүр буруулаагүй билээ. 

Мэри Уолстонкрафт 

Мэри Уолстонкрафт бол зохиолч, философич, 1700-аад оны сүүл үеийн эмэгтэйчүүдийн эрхийн төлөө тэмцэгч нэгэн байсан юм. Түүний хамгийн алдартай зохиолуудын нэг бол “a vindication of the rights of woman” бөгөөд уг зохиолдоо эмэгтэйчүүдэд сайн боловсрол эзэмшүүлэх хэрэгтэй бөгөөд улс төр, бизнес гэх мэт салбаруудад эрчүүдтэй адилхан тэгш эрх олгох юм бол тэд зөвхөн сайн эхнэр, ээж байхаас гадна чадварлаг байж чадна гэдгийг өгүүлжээ. Тэрээр эмэгтэйчүүдийн хөдөлгөөнд тухайн үедээ гол төлөөлөгч байсан билээ.

Голда Мейр

Голда Мейр нь Израилийн улс төрч бөгөөд 1969-1974 онд Израилийн дөрөв дэх Ерөнхий сайдын албыг хашиж байсан. Тэрээр Израилийн анхны бөгөөд цорын ганц эмэгтэй засгийн газрын тэргүүн юм. Мейр Дэлхийн 2-р дайны үеэр болон дараа нь Еврей агентлагт хэд хэдэн гол үүрэг гүйцэтгэсэн. 1948 оны 5-р сарын 14-нд Мейр Израилийн тусгаар тогтнолын тунхаглалд гарын үсэг зурсан 24 гишүүний нэг бөгөөд 2 эмэгтэй гишүүний нэг байсан юм. 5-р сарын 18-нд тэрээр хандив цуглуулах аялан тоглолтоо эхлүүлж, нутгаа орхисон Еврейчүүдийн холбооноос 50 сая доллар цуглуулсан. Нийтдээ түүний хөрөнгө босгох хүчин чармайлтаар дайны зардлын гуравны нэг орчим (275 сая доллар) 90 сая доллар цуглуулсан байна. Тэрээр Сионист хувьсгалыг удирдаж,  улс орноо бэхжүүлж байж ээ.  

Сюзан Браунле Энтони 

1851 онд АНУ-д эмэгтэйчүүдийн санал өгөх эрхийн асуудлаар тууштай тэмцэгч байсан бөгөөд орон даяар суртал ухуулга явуулж, эрх баригчидтай мэтгэлцэж байв. Тэрээр 1872 онд хууль бусаар санал өгсөн хэргээр баривчлагдаж, 19 дүгээр нэмэлт өөрчлөлтөөс өмнө нас эцэслэсэн. 19 дүгээр нэмэлт өөрчлөлтөөр АНУ-д сонгуульд саналаа өгөх эмэгтэйчүүдийн эрх нээгдсэн билээ. 1979 онд Сюзан Б.Антонигийн дүр зураг шинэ долларын зоосоор сонгогдож, түүнийг АНУ-ын мөнгөн дэвсгэрт дээр дүрсэлсэн анхны эмэгтэй болгожээ.