Байгаль орчин, уур амьсгалын өөрчлөлтийн сайд Б.Батбаатар ой, хээрийн гал түймрээс урьдчилан сэргийлэх, тэмцэх ажлын албан даалгавар гаргажээ. 

Энэ дагуу Сэлэнгэ аймгийн гандуу газар нутаг болон Ерөө, Цагааннуур, Түшиг суманд гарч буй түймрийн голомтыг унтраахад дэмжлэг үзүүлэх зорилгоор цаг агаарт зориудаар нөлөөлж, хур тунадас нэмэгдүүлэх үйл ажиллагааг өнөөдөр хийж байна.

Цаг агаарт зориудаар нөлөөлөх үйл ажиллагаанд Сэлэнгэ аймгийн УЦУОШТ-ийн Бороо 1, 2, 3 болон Дархан-Уул аймгийн Дархан бороо-1 экспедицүүд тус тус ажиллаж байна.

Мөн Хүй долоо худаг орчимд цаг агаарт зориудаар нөлөөлж, хур тунадас нэмэгдүүлэх ажил үргэлжилж байна.