Хаврын чуулган үргэлжилж байна. Чуулганы нэгдсэн хуралдаан тов ёсоор 10.00 цагт эхэлж, УИХ-ын дэд дарга Х.Булгантуяа нээсэн.

Хуралдаанаар дараах 16 асуудлыг хэлэлцэж байна.

1. “Хууль баталсантай холбогдуулан авах арга хэмжээний тухай” Улсын Их Хурлын тогтоолын төсөл
2. Барбадос Улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2025.06.27-ны өдөр өргөн мэдүүлсэн/
3. “Эсватинийн Хаант Улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2025.06.27-ны өдөр өргөн мэдүүлсэн/
4. “Бүгд Найрамдах Тринидад ба Тобаго Улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2025.06.27-ны өдөр өргөн мэдүүлсэн/
5. “Бүгд Найрамдах Ботсвана Улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2025.06.27-ны өдөр өргөн мэдүүлсэн/
6. Санхүүгийн зохицуулах хорооны орон тооны бус гишүүнийг томилох тухай асуудал
7. “Засгийн газарт чиглэл өгөх тухай” Улсын Их Хурлын тогтоолын төсөл
8. Нийгмийн даатгалын үндэсний зөвлөлийн гишүүнийг томилох, чөлөөлөх тухай асуудал
9. Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төсөл /Улсын Их Хурлын гишүүн Д.Үүрийнтуяа нарын 6 гишүүн 2025.06.24-ний өдөр өргөн мэдүүлсэн, хэлэлцэх эсэх/
10. Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2025.06.25-ны өдөр өргөн мэдүүлсэн, анхны хэлэлцүүлэг, асуулт, хариулт 60 минут/
11. Монгол Улсын 2025 оны төсвийн тухай хуульд  өөрчлөлт оруулах тухай, Үндэсний баялгийн сангийн 2025 оны төсвийн тухай хуульд өөрчлөлт оруулах тухай, Нийгмийн даатгалын сангийн 2025 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2025 оны төсвийн тухай хуульд өөрчлөлт оруулах тухай хуулийн төслүүд  /Засгийн газар 2025.06.25-ны өдөр өргөн мэдүүлсэн, хоёр дахь дахь хэлэлцүүлэг/
12. Монгол Улсын 2025 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн хууль, тогтоолын төслүүд /Засгийн газар 2025.06.25-ны өдөр өргөн мэдүүлсэн, анхны хэлэлцүүлэг, асуулт, хариулт 60 минут/
13. Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.06.20-ны өдөр өргөн мэдүүлсэн, анхны хэлэлцүүлэг, хариулт 60 минут/
14. “Хууль баталсантай холбогдуулан авах арга хэмжээний тухай” Улсын Их Хурлын тогтоолын төсөл
15. Баталсан хууль, тогтоолын эцсийн найруулгыг сонсоно.

Зарим байнгын хороодын хурал давхардсантай холбоотойгоор хэлэлцсэн асуудалд санал хураахыг хойшлуулж байна.

Тухайлбал, Эд хөрөнгийн эрхийн улсын бүртгэлийн тухай хуулийн 9 дүгээр зүйлийн 9.3 дахь хэсэгт "Энэ хуулийн 9.1.5-д зааснаас бусад тохиолдолд энэ хуулийн 9.1.3, 9.1.4-т заасан үнийг хамгийн сүүлд бүртгэгдсэн үнээс бууруулж бүртгэхгүй." гэх заалт нь Үндсэн хууль зөрчсөн тухай Цэцийн 06 дугаар дүгнэлтийг хүлээж авсан Хууль зүйн байнгын хорооны саналтай танилцсан.

Энэ талаар УИХ-ын гишүүн П.Сайнзориг "Дээрх зохицуулалт нь татгаваас зайлсхийх зорилгоор хоёр гэрээ байгуулдаг гэмт хэргийн шинжтэй үйлдлийг хязгаарлах зорилготой байсан. Гэсэн ч иргэний эрхийг зөрчсөн байдлаар хэрэгжиж байна. Иймд аль аль талаа бодолцож, үл хөдлөх хөрөнгийг эдийн засгийн эргэлтэд оруулах тал дээр оновчтой шийдэл хэрэгтэй" гэсэн юм.

Үргэлжлүүлэн дээр дурсан улсуудтай дипломат харилцаа тогтоох асуудлыг хэлэлцэж байна.