ХХААХҮ-ийн сайд Ц.Идэрбат хүнс, хөдөө аж ахуйн салбарт олгосон зээл, тусламж, хүүгийн татаасд 2 их наяд гаруй төгрөг үргүй зарцуулсан асуудалд тайлбар хийлээ. Олон нийтийн зүгээс ХАА-н салбарт 2 их наяд төгрөгийн дэмжлэг олгосон талаар шүүмжилж байгаа. Харин салбарын сайд нь үүнийг эсэргүүцэж, татаас дэмжлэг олгосныг хүчинд бодитой өсөлт гарч байгаа гэв. 

 Ц.Идэрбат: 

• Энэ жил улаанбуудай гэхэд л 300-400 мянгыг тариалж байна. Хүнсний ногооны талбай 20.2 га болж өссөн. Газар тариалан болон хөдөө аж, ахуйн салбарын өсөлт бол бодитой өсөлт. Үүний ачаар бид төмс, гурил, улаан буудай зэрэг бүтээгдэхүүнээр дотоодын хэрэглээгээ бүрэн хангаж байна. Хөдөө аж ахуйн салбарт бас ч гэж ахиц дэвшил гарч байгаа. Хүнсний үйлдвэрлэл, цагаан алт хөтөлбөрөөр 2 их наяд төгрөг будаа болголоо гээд байгаа бол худлаа. Үүнийг ямар ч сайд, даргын гарын үсгээр биш, банкны зээлээр олгож байгаа. Төсөл хөтөлбөрүүдээр олгогдсон зээлүүд бол бүгд барьцаатай, банкны хатуу тогтолцоотой зээл. Одоогоор арилжааны банкнаас нэг нь ч зээлээ төлөхгүй байна гэх асуудал гараагүй. Тиймээс энэ салбар их хэмжээний зээл, тусламж аваад түүнийгээ төлөхгүй хаяад байгаа асуудал байхгүй.