УИХ-ын Тамгын газраас УИХ-аас 2024-2028 онд хэрэгжүүлэх стратеги төлөвлөгөөтөй болох гэж байгаа талаар мэдээллээ. 

УИХ-ын даргын захирамжийн дагуу уг төлөвлөгөөг боловсруулна. Уг төслийг боловсруулах Ажлын хэсэг байгуулагдсан бөгөөд тус Ажлын хэсгийг УИХ-ын дэд дарга Х.Булгантуяа ахална. Ажлын хэсгийн гишүүдээр Л.Мөнхбаатар, О.Цогтгэрэл, Б.Баярбаатар, О.Саранчулуун, М.Нарантуяа-Нара нарын 15 гишүүнтэй ажиллахаар болжээ.

2024-2028 оны парламент нь дараах гурван зүйлд анхаарах аж. 

1. Хүний эрхийг дээдэлсэн, хүн төвтэй үзэл санааг хууль, тогтоомжид суулгана.
2. Хуулийн зохицуулалт иж бүрэн, тодорхой, ойлгомжтой байж, хуулийн хэрэгжилт хэнийг ч ялгахгүй хангагддаг байх.
3. Хууль нь цаг үеийн шаардлагад нийцсэн хөгжил дэвшлийг дэмжсэн, цаг хугацааны хувьд хоцрогдолгүй байх ёстой. 

Үүнээс гадна хуулийг давсан дүрэм, журмыг байхгүй болгох тал дээр энэ УИХ ажиллах аж.