Цахим орчинд 2024 оны 09 дүгээр сарын 25-ны өдрийн 16:31 цагт нэгэн эмэгтэй машинаасаа бууж ирэн хүний биед халдсан талаарх бичлэг цацагдсан билээ. Бичлэг нийтлэгдсэнийг цагдаагийн  байгууллагаас бүртгэн зөрчил шалган шийдвэрлэх ажиллагаа явуулсан байна. 

Энэхүү зөрчил нь Баянзүрх дүүргийн 43 дугаар хорооны нутаг дэвсгэрт байрлах Натур худалдааны төвийн дунд зам дээр үйлдэгдсэн байна. Уг зөрчилд холбогдуулан тээврийн хэрэгслийн жолооч 42 настай, эмэгтэй О-г шалгаж, Монгол Улсын Зөрчлийн тухай хуулийн тусгай ангийн 5.3 дугаар зүйлийн 1 дэх хэсэгт зааснаар буюу “Хүний биед гэмтэл учруулахгүйгээр халдаж зодсон” гэх заалтаар 100 нэгжээр торгох шийтгэл оногдуулсан гэж ЦЕГ-аас мэдээллээ. Хохирогч 21 настай байсан аж.