Түүний бүтэн нэр Cyril Kamar. 1980 оны 1-р сарын 31-нд Ливаны Бейрут хотод төрсөн. Багаасаа хөгжмийн карьер хөөж, LMDS хэмээх хип хоп хамтлагийг байгуулжээ. Хамтлаг нь хоёр цомог гаргасны дараа 2001 оноос K.Maro гэх тайзны нэрээрээ бие даан уран бүтээл туурвиж эхэлсэн. K.Maro  франц, англи хэлээр дуулдаг. Реппер, дуучин, продюсер, бизнесмен юм. Одоогоор Парисын “East 47th Music, Rock&Cherries Agency”-ийн үүсгэн байгуулагч, гүйцэтгэх захирал. Мөн  Le clan chill, Nos couleurs зэрэг кинонд дүр бүтээгээд амжжээ. 

Мөс зүсэгч

Түүнийг анх хип хоп сонирхож, францаар үглэж эхлэхэд дуу хийхдээ ингэж болохгүй, тэгж болохгүй гэсэн маш олон дүрэмтэй, баригдмал байжээ. Харин K.Maro өөрийн мэдрэмжээр хөглөгдөн блюз, жазз, поп, тэр ч байтугай бүжгийн хөгжмийн элементүүдийг хольж туршиж үзэхийг хүссэн. Энэхүү оролдлого нь амжилттай болж, хожим дэлхий дахинаа нэр алдарт хүргэжээ.

Монголчуудын мэдэх "Femme Like U"

K.Maro-гийн хамгийн алдартай уран бүтээл бол Femme Like U. Энэ дуу поп, рэп, соул хөгжмийн аккордын холимог ба дэлхийн 17 орны хөгжмийн нэвтрүүлэгт тэргүүлсэн. Дууны утга агуулгыг илэрхийлсэн гол дүрийн эмэгтэйг өвөрмөц, өөртөө итгэлтэй, бие даасан, бусдаас ялгардаг хэмээн тодорхойлоод,  "тан шиг эмэгтэй"-тэй хамт байхыг хүснэ хэмээн сэтгэлээ илэрхийлжээ. Femme Like U дуу багтсан La Good Life цомог 2004 худалдаанд гарч, нэг сая гаруй хувь борлогдсон амжилттай.

K.Maro яагаад монголд ирэх болов?

“Ocean Grey” продакшны үүсгэн байгуулагч, продюсер А.Ариунболд 

Монголд хип хоп хөгжилд  нөлөөлсөн хүн гэж боддог. Уран бүтээлчийн хувьд би ч үлгэр жишээ авдаг. Түүний хит дуунуудыг мэдэхгүй монгол хүн байхгүй болов уу. Дэлхийн уран бүтээлч шүү дээ.  

K.Maro-гийн шилдэг 5 дуу:

1. Femme Like U
2. Let's Go
3. Sous L'oeil De L'ange
4. Nos Couleurs
5. Histoire de luv (feat. Shy'm)