Орон нутгийн сонгуулийн нэр дэвшигчид үнэмлэхээ гардан авч, сурталчилгааны хугацаа албан ёсоор эхэлсэн. Энэ удаагийн орон нутгийн сонгууль 8031 мандаттай. Тэгвэл хамгийн сонирхолтой нь ХҮН намаас нийслэлд эмэгтэй хотын даргыг санал болгосон байна. Тэр бол Энхтөрийн Золзаяа юм. Хэрэв ХҮН нам нийслэлд олонх суудал авч чадвал бид анх удаа эмэгтэй хотын даргатай болох нь ээ. 

Нийтлэлийг зургаар үзээрэй

Энхтөрийн Золзаяа гэж хэн бэ?

Э.Золзаяа нь Хүрээлэн буй орчны нөөцийн менежмент магистрын зэрэгтэй, хотын хөгжлийн бодлого, орон зайн төлөвлөлт дизайны чиглэлээр сүүлийн 10 орчим жил ажиллаж дэлхийн 40 гаруй улс 100 гаруй хотоор аялан олон улсын 10 гаруй форумд оролцож, панелист илтгэгчээр оролцож байсан мэргэжлийн хүн. Түүний хувьд:

• Орчин төвт хот буюу гудамж, явган хүний зам, ногоон дэд бүтцийн шинэчлэн зохион байгуулалт, 
• Тав тухтай, нээлттэй олон нийтийн орон зай, ногоон байгууламж, 
• Иргэд олон нийтэд хүртээмжтэй чөлөөт цагаа өнгөрүүлэх соёлын болон хөгжлийн байгууламжуудыг нэмэгдүүлэх чиглэлээр сүүлийн 5 жил Creative100 холбоог удирдан ажилласан.

Тэрээр 2023 онд ХҮН намын Нийслэлийн хорооны даргаар сонгогдсон юм. 

Эмэгтэй хотын дарга ямар давуу талтай вэ?

• Хот эмэгтэй даргатай байх нь иргэдийнхээ амьдралын чанарыг богино хугацаанд сайжруулахад эерэг нөлөө үзүүлдэг. 
• Эмэгтэй хотын дарга нар авлига, хээл хахуулиас ангид, бүлэглэлийн нөлөөллөөс тусдаа байж чаддаг. 
• Эмэгтэйчүүд эрх мэдэлтэй байхад авлигын индексийн үзүүлэлт сайжирдаг.
• Эмэгтэй даргатай байснаар эдийн засгийн өсөлт, эрүүл аюулгүй орчинг бүрдүүлдэг, дэд бүтцийн хөгжлийг хамгийн сайн дэмжин ажилладаг байна. 

Эмэгтэй хотын даргатай улсууд

Австрали

Сидней хотын дарга Клевер Мур

Клевер Мур нь Сиднейн анхын эмэгтэй хотын дарга болж байжээ. Тэрээр 2004 онд анх хотын даргаар сонгогдсон бөгөөд түүнээс хойш тасралтгүй 6 удаа хотын дарга болж, одоо ч ажилласаар байна.

Япон

Токио хотын дарга Коико Юрико 

2016 оны 7-р сард Токиогийн хотын дарга болж, улмаар 2020, 2024 оны сонгуульд ялснаар 3 дахь удаагаа хотын дарга хийж байна. 

Канад

Торонто хотын дарга Оливиа Чау

Канадын улс төрч Оливиа Чау 2023 оны 7-р сараас Торонто хотын 66 дахь хотын даргаар ажиллаж байна. 

АНУ

Лос Анжелос хотын дарга Карен Басс

Карен Басс нь 2022 онд хотын дарга болж, хоёр жилийн хугацаанд ажиллахдаа орон гэргүй иргэдийн тоог бууруулж чаджээ. 

Эмэгтэй хотын даргатай болвол гарах эерэг өөрчлөлт

• Алхахад аливаа саад учрахаа больж, таатай болох 
• Нийтийн тээврийн хүртээмж нэмэгдэх 
• Олон нийтэд зориулсан төлөвлөлт сайтай орон зай нэмэгдэх
• Амралт чөлөөт цагийн бүстэй болох
• Ажил эрхлэлт нэмэгдэх 
• Хотын амьдралын хэв маяг сайжрах 
• Орон сууцны бодлого сайжрах 
• Үнийн зохицуулалттай болох 
• Хүнсний хангамж, аюулгүй байдал нэмэгдэх зэргийг дурдаж болно.

Э.Золзаяад ямар шийдэл байна?

Утааг яах вэ?

Утааг арилгах шийдлийг дэд бүтэцтэй холбон үзэж байна. Тиймээс хотын дэд бүтцийн хүртээмжийг нэмэгдүүлэхдээ хотын бүсчлэл, газар ашиглалт, дэд бүтцийн технологийн сонголт зэргийг чухалчлан үзэх аж. https://we.tl/t-jOxaavEl1k 

Түгжрэлийг яах вэ?

Түгжрэлийг богино хугацаанд арилгах шийдлийг боловсруулжээ. ХҮН намын хувьд өргөн, урсгал чиглэл, огтлол дээр тус бүрийн дүн шинжилгээ хийж, зам дээр ил зорчдог олон төрлийн тээврийн зорчилт хөдөлгөөнийг нэвтрүүлэх аж. 

Үүнээс гадна…

• Гандан орчмын гэр хорооллын бүсийг дэлхийн хотуудын соёлын салшгүй нэг хэсэг болоод буй шөнийн гудамж, мурал арт дүүрэг болгоно.
• Дэлхийн бүхий л хотуудад хамгийн хөл хөдөлгөөнтэй байдаг модерн арт галлерей гэх мэт залуучуудад зориулсан бүтээн байгуулалт хийнэ. 

 Хэрвээ та эмэгтэй хотын даргатай болмоор байвал…

• Энэ ерөөсөө амархан гэнэ ээ. Та орон нутгийн сонгуулийн саналаа ХҮН намын нэр дэвшигчид өгөхөд л болох юм байна.
• Учир нь, манай улс хотын даргаа хотын иргэд нь өөрсдөө сонгодоггүй, олонх болсон нам нь хотын дарга болгох хүнээ санал болгож, НИТХ-аар дэмжүүлэх ёстой юм.
• Өөрөөр хэлбэл, ХҮН нам НИТХ-д олонх болж байж, эмэгтэй хотын даргатай болно. 
• ХҮН нам та бүхнийг залуусаа дэмжиж, боломж олгохыг уриалж байгаа юм байна шүү.

Хамтран ажилласан: ХҮН нам