УИХ-ын намрын чуулган жил бүрийн аравдугаар сарын 1-нд эхэлж, 75-аас доошгүй ажлын өдөр хуралддаг.

Ийнхүү 126 гишүүнтэй парламентын анхны намрын чуулган маргааш нээх гэж байна. 

Чуулганы нээлтийн дараа УИХ дахь намын бүлгүүд хуралдах юм. Энэ долоо хоногт дараах асуудлыг хэлэлцэхээр төлөвлөжээ.

• Цагдаагийн албаны тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2024 оны 03 дугаар дүгнэлтийг хүлээн зөвшөөрсөнтэй холбогдуулан боловсруулсан, анхны хэлэлцүүлэг/
• Шүүхийн ерөнхий зөвлөлийн шүүгч бус гишүүнд нэр дэвшигчийн сонгон шалгаруулалтыг зарлах тухай
• Монгол Улсын хөгжлийн 2025 оны төлөвлөгөө батлах тухай тогтоолын төсөл /Засгийн газар 2024.09.27-нд өргөн мэдүүлсэн, нэг дэх хэлэлцүүлэг/
• Нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2024.08.30-нд өргөн мэдүүлсэн, хэлэлцэх эсэх/