Шилдэг 100 оюутны нэгээр шалгарч, ажлын байртай болохыг хүссэн оюутнууд наашаа анхаарлаа хандуулаарай.  

Голомт банк бизнесийн салбартаа манлайлал үзүүлж, анх 2003 оноос оюутны тэтгэлэгт хөтөлбөр зарлаж эхэлжээ. Улс эх орныхоо тогтвортой хөгжилд хувь нэмэр оруулан боловсролыг дэмжиж, оюутан, залуусын хөдөлмөр эрхлэлт болон санхүүд нь дэмжлэг үзүүлэх зорилгоор санаачилсан уг тэтгэлэгт хөтөлбөр 20 дахь удаагаа зарлагдах гэж байна. Тус банк өнгөрсөн хугацаанд Монгол Улсын 50 гаруй их, дээд сургуулийн 1,800 гаруй оюутанд 1.1 тэрбум гаруй төгрөгийн сургалтын тэтгэлэг олгосон байна.

Энэ жилийн тэтгэлэг юугаараа онцлог вэ?

Голомт банк “Оюутны тэтгэлэгт хөтөлбөр”-өө шинэчлэн 2024-2025 оны хичээлийн жилд “Ажилтай - Тэтгэлэгтэй оюутан” тодотголтойгоор зарлалаа. Энэ хүрээнд уламжлал ёсоор Монгол Улсын их, дээд сургуулийн шилдэг 100 оюутанд сургалтын тэтгэлэг олгох аж. Өмнө нь нэг оюутанд 1,000,000 төгрөгийн тэтгэлэг олгодог байсан бол энэ жилээс тэтгэлгийн хэмжээг нэмэгдүүлж, 2,000,000 төгрөг олгохоор болжээ. Түүнчлэн тэтгэлэгт тэнцсэн оюутнууд /мэргэжлийн чиглэлийн/ Голомт банканд бүтэн болон хагас цагаар шууд ажиллаж эхлэх боломжтой.  Тэтгэлэгт хөтөлбөрт хамрагдах оюутанд суралцаж буй мэргэжлийн чиглэлийг харгалзахгүй, голч дүнгийн босгогүй  юм.

Хэн оролцох боломжтой вэ?

• Мэргэжил харгалзахгүй
• 3, 4-р курст суралцдаг байх
• Энэ хичээлийн жилд тэтгэлэгт хөтөлбөрт давхар хамрагдаагүй байх
• Тасралтгүй суралцах чадвартай, хариуцлагатай, манлайлагч оюутан байх 

Бүрдүүлэх материал нь ингээд л болоо гэж үү?

• Дүнгийн хуулбар
• Их, дээд сургуулийн тодорхойлолт

Тэтгэлэгт хөтөлбөрийн үе шат

1. Анкет бөглөх /сүүлийн хуудсанд байгаа QR кодоор ороод л бөглөчихнө/ 
2. Сонгон шалгаруулалтад оролцох
3. Тэтгэлгийн батламж гардуулах
4. Зөвхөн “Тэтгэлэгт оюутан”-д зориулсан хөгжлийн хөтөлбөрт хамрагдах

Ямар давуу талтай вэ?

• Суралцах хугацаанд Голомт банканд мэргэжлийн дагуу ажлын гарааг эхлүүлэх
• Голомт академийн хувийн хөгжлийн болон мэргэжлийн сургалтад хамрагдах
• Эрүүл мэндийн хөтөлбөрт хамрагдах
• Санхүүгийн эрүүл мэндийн сургалт, хөтөлбөрт хамрагдах 

Тэтгэлэгт хөтөлбөртэй холбоотой дэлгэрэнгүй мэдээллийг доорх сувгуудаас авах боломжтой.

Цахим шуудан: hr@golomtbank.com

Холбогдох утас: 7575-1111 /1666, 1705/

Тэтгэлэгт тэнцүүлдэг QR