Шинэчлэл: Чуулган завсарлалаа (10.17 цаг)

"Монгол Улсын хөгжлийн 2025 оны төлөвлөгөө батлах тухай” тогтоолын төслийн зарчмын зөрүүтэй санал хурааж дууслаа. Ийнхүү гурав дахь хэлэлцүүлэгт бэлтгүүлэхээр Эдийн засгийн байнгын хороонд шилжүүлэв. Байнгын хороо хороо бэлтгэл хангаж дуустал 12.00 цаг хүртэл чуулганыг завсарлууллаа.

Монгол Улсын Их Хурлын 2024 оны намрын ээлжит чуулган үргэлжилж байна. (10.00 цаг)

УИХ-ын дарга Д.Амарбаясгалан 66 гишүүн ирж, 52.4 хувийн ирц бүрдсэнийг танилцуулснаар өнөөдрийн (2024.10.18) хуралдааныг нээв.

Хуралдаанаар дараах асуудлыг хэлэлцэнэ. Үүнд,

• “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2024.09.27-ны өдөр өргөн мэдүүлсэн, хоёр дахь болон гурав дахь хэлэлцүүлэг/
• Цагдаагийн албаны тухай хуульд өөрчлөлт оруулах тухай хуулийн төслийг эцэслэн батална
• Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүд /Засгийн газар 2024.08.30-ны өдөр өргөн мэдүүлсэн, нэг дэх хэлэлцүүлэг, үргэлжилнэ/