Black Pink хамтлагийн дуучин Rose алдарт дуучин Bruno Mars-тай хамтран 2024 оны 10 сарын 18-нд “APT.” гэх дуугаа цацсан. 

“APT.” цацагдсанаасаа хойш 5 өдрийн дотор Youtube хуудаснаа  100 сая үзэлт аваад байна. 

Түүнчлэн Youtube дэх Trending “Music” жагсаалтыг тэргүүлж буй. Мөн Melon, Genie, Bugs, Vibe зэрэг Өмнөд Солонгосын бүхий л томоохон хөгжмийн чартуудад тэргүүлж, "Perfect All-Kill" (PAK)-д хийлээ. Үүнээс гадна Spotify-ын дэлхийн болон АНУ-ын чартуудын 1-р байрыг эзэлж, Розег АНУ-ын Spotify чартыг тэргүүлсэн анхны солонгос эмэгтэй гоцлол дуучин болгоод байна. 

Мөн 40 мужийн iTunes дээр 1-рт орж, Apple Music дээр шинэ дээд амжилт тогтоожээ.

Бруно Марсын хувьд ч өөрийн хувийн амжилтаа эвдсэн байна. Түүний Lady Gaga-тай хамтарсан "Die With a Smile” дуу нэг өдрийн дотор 11.6 сая үзэлт аваад байсан. Тэгвэл Rose-тэй хамтран гаргасан “APT.” дуу нэг өдрийн дотор 14.18 сая үзэлт авчээ.  

APT. гэж ямар утгатай вэ?

APT. буюу солонгосоор apateu гэж дуудагддаг буюу apartment гэх үгийн товчлол аж. “Apartment game” буюу монголоор бол “орон байрны архидалт”  хийхдээ тоглодог тоглоом юм уу даа. Солонгост бол нэг төрлийн архины соёлд тооцогдох тус тоглоомоос сэдэвлэж “APT.” дуугаа хийжээ. Тус дууны хөгжмийн хэмнэлийг 1982 онд Toni Basil-н гаргаж байсан “Hey Mickey” гэх хит дууны хэмнэлтэй төстэй гэх хүмүүс ч байгаа юм. 

Rose-н тухай баримтууд

Түүний бүтэн нэр Roseanne Park. 1997 оны 2 сарын 11-нд Шинэ Зеландад төрж, Австрали Улсад өссөн. 2012 онд YG энтертайнментын сонгон шалгаруулалтад тэнцэж, 4 жилийн турш бэлтгэгдсэн. Ийнхүү 2016 оны 8 сард BlackPink хамтлагт дебютээ хийсэн юм.

• 2021 оны 3 сарын 12-нд өөрийн “R” гэх албумаа гаргасан бөгөөд тус албумд “On the ground”, “Gone” гэх хоёр дуу нь багтсан юм.  
• 2021 онд түүний “On the ground” дуу “YouTube-д 24 цагийн дотор хамгийн их үзэлт авсан К-поп уран бүтээлчийн клип” гэх номинациар Гиннесийн дээд амжилт тогтоосон. 
• 2024 оны 12 сарын 6-нд “Rosie” гэх албумаа гаргахаар товлосон бөгөөд тус албуманд чартуудыг тэргүүлээд буй “APT.” дуу нь багтжээ.   
• Rose  Tiffany&Co, YSL, Puma, Sulwhasoo, Rimowa зэрэгт алдартай брэндүүдийн төлөөлөгчөөр ажилладаг бөгөөд түүний хөрөнгө 20 сая долларт хүрээд байна. 

Bruno Mars-н тухай баримтууд

Түүний жинхэнэ нэрийг Peter Gene Hernandez гэдэг бөгөөд 1985 оны 10 сарын 8-нд төржээ. 2011 оноос Америкийн модель, жүжигчин, загвар зохион бүтээгч Jessica Caban-тай үерхэж байгаа юм. The Hooligans, Silk Sonic хамтлагуудад харьяалагддаг. 2014 онд гарсан “Rio 2” хүүхэлдэйн кинонд Roberto гэх шувууны дүрд дуу оруулжээ.  Тэрбээр карьерынхаа туршид 15 Грэмми шагнал, дөрвөн Брит шагнал,  3 e;gg Гиннесийн дэлхийн дээд амжилт тогтоож байжээ. Түүний нийт хөрөнгө 175 сая долларт хүрээд байна.