Израилын агаарын цохилтод гурван хэвлэл мэдээллийн ажилтан өртөн амиа алдсан хэмээн Ливаны төрийн мэдлийн Үндэсний мэдээллийн агентлаг мэдээллээ.

Тус улсын өмнөд хэсэгт байрлах сэтгүүлчдийн байранд бөмбөг хаяснаар ийнхүү хүний аминд хүрчээ.

Бейрутэд төвтэй Арабын Аль-Маяадин телевизээс мэдээлснээр, баасан гарагийн эхээр амь үрэгдсэн сэтгүүлчдийн дунд камерын оператор Гассан Нажар, өргөн нэвтрүүлгийн техникч Мохаммед Рида нарын хоёр ажилтан байсан байна. Мөн “Хезболла” бүлэглэлийн “Аль-Манар” телевиз мэдээлснээр, тус бүлэглэлийн камерын оператор Виссам Кассим амь үрэгджээ.

Израилийн цэргийнхэн энэ цохилтын талаар шууд тайлбар хийгээгүй байна.

Өнгөрсөн оны аравдугаар сарын эхээр Ливан Израилийн хилийн орчимд гал нээснээс хойш хэд хэдэн сэтгүүлч амиа алдсан.

2023 оны арваннэгдүгээр сард “Аль-Маядин” телевизийн хоёр сэтгүүлч нисгэгчгүй онгоцны дайралтанд өртөж амь үрэгджээ. Сарын өмнө Израилийн зэвсэгт хүчин Ливаны өмнөд нутгийг буудсаны улмаас Ройтерс агентлагийн зураглаач Иссам Абдалла амь үрэгдэж, Францын олон улсын мэдээллийн агентлаг болох Франс Пресс агентлаг болон Катарын Аль-Жазира ТВ-ийн бусад сэтгүүлчид шархадсан юм.

Хамас тэргүүтэй дайчид 2023 оны 10-р сарын 7-ны өдөр Израилийн өмнөд хэсэг рүү дайран орж, 1200 орчим хүний ​​аминд хүрч, дийлэнх нь энгийн номхон иргэд байсан бол 250 орчим хүнийг барьцаалж байв.

Газын зурваст 100 орчим хүн барьцаалагдсан хэвээр байгаа бөгөөд тэдний гуравны нэг нь нас барсан гэж таамаглаж байна.

Израилийн хариу довтолгооны улмаас 42,000 гаруй палестин хүн амиа алдсан гэж Газын Эрүүл мэндийн яамны мэдээлснээр хэдэн хүн байсныг дурдаагүй ч талаас илүү хувийг нь эмэгтэйчүүд, хүүхдүүд эзэлж байна. 

Израил өнгөрсөн жил ихэнхдээ Хезболла зэвсэгт бүлэглэлтэй мөргөлдөж байсан ч аравдугаар сарын 1-нд хуурай замын дайралт хийсэн Ливан руу хүрээгээ тэлсэн.

Ливаны эрүүл мэндийн албаныхан пүрэв гаригт дахин нэг өдөр хүчтэй агаарын дайралт, буудлагад өртөн 24 цагийн дотор 19 хүн амиа алдаж, 2023 оны аравдугаар сараас хойш Ливаны нийт амь үрэгдэгсдийн тоог 2,593-д хүргэсэн гэж мэдэгдэв.

Эх сурвалж: "AP" ОУ-ын мэдээллийн агентлаг