"GAM3RS_X" болон "GRID"-ээс зохион байгуулсан 850 мянган ам.долларын шагналын сантай "Thunderpick World Championship 2024" тэмцээн өндөрлөж, "The MongolZ" баг аваргаллаа. 

Ийнхүү аваргын цом, 500 мянган ам.долларын /1.7 тэрбум төгрөг/ эзэн боллоо.  

Тодруулбал, тэмцээнд урилгаар оролцсон Монголын "The MongolZ" баг финалд Данийн "HEROIC" багийг 3-1 харьцаагаар хожиж аваргалсан нь монголын баг олон улсын "А" зэрэглэлийн тэмцээний хоёр дахь цомоо авч буй явдал юм.

The MongolZ ийнхүү “Thunderpick World Championship”-т түрүүлснээр дэлхийн чансааны 5-р байр руу дэвшиж байна.