"Итгэж болох эх сурвалж" уриан дор үйл ажиллагаагаа явуулдаг Ийгл телевизийн 29 жилийн ойн баяр өнөөдөр тохиож байна.

Ийгл телевиз нь 1995 онд үүсгэн байгуулагджээ. Тус телевиз нь гүйцэтгэх захирал П.Сайнбилэгийн удирдлага дор эфирийн алба, уран бүтээлийн алба, маркетингийн алба, инженер техникийн алба, санхүү үйл ажиллагааны алба хэмээх таван албатай ажилладаг. Одоогийн байдлаар тус телевизийн редакцын зөвлөлд Ч.Гангэрэл, С.Лхагвасүрэн, П.Сайнбилэг, Н.Баасандамба нар ажилладаг байна. 

Ийгл телевизийн редакцын бодлого нь "Хэвлэлийн эрх чөлөөгөөр дамжуулж Монгол Улсад хүний эрх, эрх чөлөө, ардчиллыг бэхжүүлэхэд дэмжлэг үзүүлнэ" бөгөөд "Санчир гарагийн зочин", "Тоон тойм", "Иргэний мэдээ", тогтмол цагийн мэдээний өрөө гэх мэт брэнд нэвтрүүлэгтэй юм.

Ийгл телевизийн нийт хамт олонд 29 жилийн ойн баярын мэнд хүргэе.