“Дэлхийн чанарын өдөр”-ийг 1989 оноос эхлэн дэлхий нийтээр тэмдэглэн ирсэн уламжлалтай бөгөөд энэ арга хэмжээ жилээс жилд улам өргөжин тэлж, чанарын асуудалд олон нийтийн анхаарлыг хандуулах, чанарын мэдлэгийг олгох томоохон арга хэмжээ болдог юм. 

Нэкст групп нь НҮБ-аас гаргасан Тогтвортой хөгжлийн зорилтуудад өөрсдийн хувь нэмрээ оруулахын тулд 2020 ноос эхлэн үйл ажиллагаандаа олон улсын ISO 9001 Чанарын удирдлагын тогтолцоо, ISO 45001 Хөдөлмөр эрүүл мэнд, аюулгүй байдлын удирдлагын тогтолцоо, ISO 14001 Байгаль орчны удирдлагын тогтолцоо тус тус нэвтрүүлжээ. 
Энэхүү стандарт нэвтэрснээр манай группийн төлөвлөлт, хөгжүүлэлт, үйл ажиллагаа, хяналтын тогтолцоо дэлхийн түвшинд хүрснийг баталж буй бөгөөд цаашид бизнесийг системээр удирддаг байгууллага болон төлөвшихөд чухал түлхэц болж байна. 

“Байгаль орчны менежментийн тогтолцоо” ISO14001 стандартыг хүрээнд бид хүрээлэн буй орчноо хайрлан хамгаалж, байгальд ээлтэй, тогтвортой ногоон хөгжлийг дэмжин ажиллах зорилгоор ус болон эрчим хүчний хэмнэлттэй бүтээгдэхүүний татан авалтыг нэмэгдүүлэх, озон задалдаггүй байгальд хор нөлөө багатай бүтээгдэхүүн хэрэглэгчдэд санал болгох,  “Хогоо биш байгалиа Хадгалъя” электрон хог хаягдлыг дахин боловсруулах аяныг зарлаж, амжилттай хэрэгжүүлж тасралтгүй тогтвортой хөгжилд тэмүүлсээр байна.  

Эх сурвалж: Нэкст Электроникс