Амьдралынхаа ихэнх хугацаанд цамхагт түгжигдсэн гүнжийн түүхийг өгүүлдэг Tangled анимейшн live-action хувилбараар эргэн ирэхээр болжээ. Энэхүү анимейшн анх 2010 онд гаргасан бөгөөд ах дүү Гриммийн үлгэрээс сэдэвлэн бүтээсэн юм. 18 насныхаа төрсөн өдрөөсөө өмнө тэрээр Флинн Райдертай танилцаж, хамтдаа нэг өдрийн турш цамхгаас зугтаж, дэлхийтэй танилцах төлөвлөгөө зохиодог.

Диснейн эзэмшдэг ABC News-ийн мэдээлснээр "The Greatest Showman" найруулагч Майкл Грейси найруулагчаар нь ажиллах юм. Одоогоор шинэ кинонд юу хийхээр төлөвлөж байгаа тухай мөн  гол дүрд хэн хэн тоглох талаарх мэдээлэл гараагүй байна.

Та Рапунзел, Флинн Ридер, Готел нарын дүрд хэнийг тоглуулахыг хүсэж байна вэ?