Төрийн үйлчилгээний Е-Mongolia системээр 2024 оны есдүгээр сараас эхлэн донорын хүсэлтийг хүлээн авдаг болжээ. Үүнээс хойш гурван сарын хугацаанд нийтдээ 1500 гаруй иргэн донорын хүсэлтийг цахимаар илгээсэн байгааг Мөнхөд цохилох зүрх ТББ-аас мэдээллээ. 

Тус байгууллагын мэдээлснээр "1500 гаруй хүн гэнэтийн осол болон тархинд цус харваж тархины үхэлд орсон тохиолдолд эд, эрхтэнээ хандивлах хүсэлтээ илгээсэн байна. Энэ бол иргэдийн хандлага өөрчлөгдөж, Монголчууд шинжлэх ухааны хүчээр нэгийгээ аврах боломж бүрдэж байгаа сайн эхлэл юм" гэсэн байна.

Хэрхэн донорын хүсэлт илгээх вэ?

1. E-Mongolia руугаа нэвтэрч орно.
2. Хайх хэсэгт "Донор" гээд бичвэл "Донорын зөвшөөрлийн хүсэлт" гарч ирнэ.
3. Үйлчилгээ авах товч дээр дарна. Донор болохын тулд та 21 нас хүрсэн байх ёстой.
4. Үргэлжлүүлэх товчийг дарж, бүртгүүлнэ. 
5. Бүртгүүлэхдээ өөрийн мэдээллийг эхэлж шалгаад, цусны бүлэг, резусфактор, утасны дугаар, мэйл зэргийг бөглөөд хүсэлтээ илгээнэ. 

Эрхтэний донор хэнийг авардаг вэ?

Монгол Улсад амин чухал эрхтнүүдийн эмгэг өвчинтэй түүний төгсгөлийн үе шатанд орсон эрхтэн шилжүүлэн суулгах эмчилгээнд орох шаардлагатай хүмүүс олон бий. Тэдгээр өвчнөөс дурьдвал,

• Элэгний B,C,D вирусийн шалтгаант элэгний хатуурал,
• Элэгний хавдар,
• Бөөрний архаг үрэвсэл, бөөрний дутагдал,
• Зүрх судасны архаг өвчин, зүрхний дутагдал
• Нойр булчирхайн өвчтэй