2025 онд кино сонирхогчдын хамгийн их хүлээж буй кинонууд

.Graph
2025-01-02

Өнгөрөгч онд дотоод сэтгэл хөдлөл, баатарлаг үйл явдал, гэр бүлийн, мутантууд, харь гаригийнхан, гладиаторууд, шулмууд гээд олон кинонууд нээлтээ хийж үзэгч бидний мэлмийг баярлуулсан билээ. 

Нийтлэлийг зургаар үзэхийг хүсвэл энд дарна уу.

Тэгвэл 2025 онд нээлтээ хийх тэр дундаа үзэгчдийн дунд хамгийн их хүлээлт үүсгээд буй кинонуудыг танилцуулж байна.

“Back in Action” Netflix

  • “The Mask” киногоороо кино сонирхогчдын дунд хэдийн танил болсон Камерон Диаз кино урлагаас 10 гаруй жил завсарласны эцэст эргэн ирж, оскарын шагналт Жейми Фоксын хамт инээдмийн төрлийн тагнуулчдын тухай өгүүлэх “Back in Action” кино Нетфликс стриймээр 1 сарын 17-нд цацагдаж эхэлнэ. 
  • Сонирхуулахад Камерон Диаз, Жейми Фокс нар хамгийн сүүлд 2014 онд мюзикл жанрын “Annie” кинонд цугтаа тоглож байжээ.

“Fantastic four : First Step” Marvel studio, Disney studio

  • Өнгөрөгч 2024 онд “Deadpool and Wolverine” киногоор үзэгчдийг байлдан дагуулсан Marvel studio энэ жил гурван шинэ кино нээлтээ хийхээр төлөвлөжээ. 
  • Тодруулбал, 2 сарын 14-нд “Capitan America: Brave new world”, 5 сарын 2нд “Thunderbolt”, 7 сарын 25нд “Fantastic four: first step нар юм. 
  • Marvel studio-н бие даасан 37 дахь бүтээл болох “Fantastic Four: First Step киног “Wanda vision” “Game of throne” зэрэг олон цувралаар олонд танигдсан Мэтт Шекман найруулж гол дүрд Педро Паскаль, Ванесса Кирби, Жозеф Куйнн, Эбон Мосс-Бачрах нар тогложээ. 
  • Кинонд гайхамшигт дөрөв 1960аад онд сансар ертөнцийн мөнх бус мангас Галактусын довтолгооноос дэлхийг аварсан талаар гарах юм.

“Superman” DC comics, Warner Bros

  • DC comics-н хамгийн алдартай дүр болох Кент Кларк буюу Сүпермэний ээлжит франчайз “Superman” кино тун удахгүй нээлтээ хийж гэж байна. 
  • Алдарт найруулагч Зак Снайдерын найруулгаар үзэгчдийн мэлмийд хүрсэн гурамсан бүтээл болох “Man of Steel”, “Superman vs Batman: Dawn of Justice”, “Justice League” кинонуудад Сүпермэний дүрийг бүтээсэн Их Британы жүжигч Хенри Кавилл энэ жилийн 7 сарын 11 нд нээлтээ хийх “Superman” киноны гол дүрийг аваагүй юм. 
  • Учир нь DC comics-н шинэ удирдлагууд болох Жеймс Ганн, Питер Сафран нар түүнтэй хамтарч ажиллаж чадахгүй гэдгээ илэрхийлж, түүний оронд залуу жүжигчин Дэвид Коренсветийг сонгожээ.

“Mickey 17” Warner Bros

  • 2017 онд “Parasite” киногоор Холливудыг байлдан дагуулсан БНСУ-ын найруулаг Бон Жун Хо ээлжит бүтээлээ үзэгчдэд өргөн барихаар шинжлэх ухааны уран зөгнөлт, инээдмийн “Mickey 17” киногоо энэ оны 3 сарын 7нд нээх гэж байна. 
  • “Twilight” киногоор олонд танигдсан Роберт Паттинсон сансарт алс холын ертөнцийг колоничлох даалгаварт үүрэг гүйцэтгэх ажилтны дүрд тоглох юм.

“Jurassic World Rebirth” Universal pictures

  • Анх 1993 онд дэлгэцнээ гарч байсан “Jurassic Park” кино туйлын бодит зураглалаараа үзэгчдийн дунд ихээхэн шуугиан тарьж байсан саяхан. 
  • Үлэг гүрвэлийн тухайн өгүүлэх алдарт найруулагч Стивен Спилбэргийн бүтээл тухайн үедээ шүүмжлэгчдээс асар өндөр үнэлгээ авч, кино театруудаас нийт 1 тэрбум 29 сая ам долларын орлого орж байсан юм. 
  • Тэгвэл 2025 оны 7 сарын 2нд “Jurassic World “ цувралын 4 дэх анги болох Jurassic World Rebirth нээлтээ хийх бөгөөд жүжигчдийн багт Скарлетт Йоханссон, Махершала Али, Жонатан Блезк нарын алдартай жүжигчид нэгдсэн билээ. 
  • Тус кинонд  Юрийн галавын цоо шинэ үлэг гүрвэл, ан амьтадтай бид нар танилцах нээ.

“How to train your Dragons”  Dreamworks Universal pictures

  • Бидний сэтгэлд хоногшсон “How to Train Your Dragon” цувралын уран сайхны кино 6 сарын 13-нд нээлтээ хийнэ. 
  • Сайн хүүхэлдэйн киног, уран сайхны кино болгосон хувилбар үргэлж муу болдог гэж хүмүүс ярьдаг. 
  • Тэгвэл хүн болгоны хайртай энэхүү гурамсан бүтээлийн уран сайны кино хувилбар үзэгчдийг гонсойлгох болов уу, баярлуулах болов уу гэдгийг бид удахгүй мэдэх нь ээ.

“Wolfman” Universal pictures

  • Universal pictures тэртээ Жорж Ваггерын найруулгаар 1941 онд готик аймшгийн төрлийн “Wolfman” кино анх мэндэлж байжээ. 
  • Түүний хойш энэ киноны хувилбаруудыг үзэгчид зөндөө олон удаа үзсэн биз. 
  • Тэгвэл аймшгийн жанрын “Saw”, "The Invisible Man" кинонуудаар олонд танигдсан найруулагч Лей Уаннел сонгодог хүн чоныг бидэнд авчрах гэж байна. 
  • Гол дүрд нь “Girls” болон “Poor Things” киноны гол дүрд Кристофер Эбботт тоглохоос гадна энэ сарын 17-нд уг кино нээлтээ хийнэ.

“Karate Kid : Legends" Sony pictures

  • Хүн болгоны сайн мэдэх Karate Kid кино арван таван жилийн дараа үргэлжлэхээр боллоо. 
  • Гэхдээ чухам ямар үйл явдал хэрхэн өрнөх талаар ямар ч мэдэгдэл хийгдээгүй ч найруулагчаар Жонатан Энтвистл ажиллаж гол дүрд алдарт Жеки Чан тоглохоор бөгөөд 2025 оны 5 сарын 30-нд нээлтээ хийнэ.

“Paddington in Peru” Columbia pictures, Sony pictures

  • Пэддингтон баавгай шинэ адал явдлаараа өргөн дэлгэцэн дээр эргэн ирлээ. 
  • 2017 онд дэлгэцнээ үзэгчдийн хүртэл болсон “Paddington 2” кино шүүмжилж үнэлгээ өгдгөөрөө алдартай “Rotten tomatoes” сайтаас 99% гэсэн ховорхон үнэлгээ авсан учраас энэ удаагийн франчайз гурав дахь анги нь олны анхаарлын төв байна. 
  • Тиймээс Дуглас Уилсон уг киног найруулж Хью Бонневилл, Бен Уишоу, Имелда Стоунтон дээр нь Эмили Мортимер нар шинэ адал явдал, хөгжилтэй аялалд оролцож Паддингтоныг нууцлаг хүч  Амазоны ширэнгэн ойн гүн рүү аваачсанаар киноны үйл явдал эхэлдэг. 
  • “Paddington in Peru” кино 2 сарын 14-нд АНУ-д нээлтээ хийх бөгөөд өнгөрөгч оны 11 сарын 8-нд Их Британийн кино театруудад нээлтээ хийж кино шүүмжлэгчдээс эерэг үнэлгээ авчээ.

“Michael”  LionsGate, Universal Pictures

Попын хаан Майкл Жексоны амьдралаас сэдэвлэсэн “Майкл” нэртэй кино 10 сарын 3-нд дэлгэцнээ гарах гэж байна. Тус намтарчилсан киноны гол дүрд алдарт дуучны бүл дүү Жаафар Жексон тоглох юм. Жаафар Жексон нь “Jacksons 5” хамтлагийн гишүүн  Майклын төрсөн ах Жермейн Жексоны хүү юм. Энэ нь түүний анхны кино, анхны гол дүр болно. Домогт дуучны дүрд сонгогдсон нь нэр төрийн хэрэг гэж Жаафар Жексон ярьжээ.

Кинонд Майкл Жексоны эдэлж хэрэглэж байсан зүйлсийг хэрэглэнэ. Уилл Смитийн тоглосон “Emancipation” киноны найруулагч Антуан Фукуа найруулагчаар ажиллах аж. Түүнчлэн Оскарын шагналт “Bohemian Rapsody” киног бүтээсэн Грэм Кинг киноны продюсероор ажиллана. Грэм Кинг хоёр жилийн өмнө Жаафартай танилцжээ. Жаафар нь Майклын зан чанарыг хиймэл хэтрүүлэггүйгээр илэрхийлж чадаж байсан нь Кингийн анхаарлыг татаж, улмаар киноныхоо гол дүрд сонгосон байна.

Майкл Жексон амьд ахуйдаа ч, нас барсныхаа дараа ч хүүхдийн хүчирхийллийн хэрэгтэй нэр холбогдож байсан. Кинонд тус хэргийн талаар дурдах эсэх нь тодорхойгүй байна. Гэсэн хэдий ч Жексон гэм буруугүй гэдгээ үргэлж баталсаар ирсэн бөгөөд 2005 онд албан ёсоор энэ нь тогтоогдсон.

Уитни Хьюстон, Элвис Пресли, Элтон Жон гэх мэт алдартнуудын түүхийг харуулсан кинонууд дэлгэцнээ гарч байсан. Тэгвэл энэ удаад попын хаан Майкл Жексоны намтар кино олны хүртээл болох нь тодорхой болжээ.

Сэтгэгдэл үлдээх

Newsletter Subscribe