НИТХ-ын хуралдаанаар баталсан автомашин болон өөрөө явагч хэрэгслийн албан татварын шинэчлэл шинэ оноос хэрэгжиж эхэлсэн билээ. 

Энэ хүрээнд жолооч нар авто машины моторын багтаамжаас хамаарч дараах дүнтэй татвар төлөх юм. Татвар нь моторын багтаамжаас хамаарч өөр өөр байна.

• 4000-аас дээш бол өдөрт 694, жилд 250 мянган төгрөг
• 2001-3000 бол өдөрт 416, жилд 150 мянган төгрөг
• 2000 хүртэлх бол өдөрт 275, жилд 100 мянган төгрөг

Тэгвэл цахим орчинд "Авто машины татвараа өнөөдөртөө багтааж төлөхгүй бол ирэх даваа гаригаас шинэчилсэн дүнгээр буюу 5 дахин нэмэгдсэн дүнгээр нөхөж төлнө" гэх агуулгатай мэдээлэл гарчээ. 

Энэ талаар Нийслэлийн татварын газрын дарга М.Болдбаатараас тодруулахад " 2024 оны татварын дүн 2024 оныхоороо л байна. 5 дахин нэмэгдсэн дүн нь 2025 оны татвар дээр яригдаж эхэлнэ. НИТХ-ын тогтоол нь ХЗДХЯ дээр хянагдаад 12 дугаар сарын 31-ний өдөр батлагдсан" гэв.