Онцгой байдлын ерөнхий газрын дарга Г.Ариунбуянгийн тушаалаар Хурандаа Г.Галбадрахыг Нийслэлийн онцгой байдлын газрын даргаар томилжээ. 

Тэрээр өнгөрсөн баасан гаригт буюу нэгдүгээр сарын 3-ны өдөр үүрэгт ажлаа хүлээн авсан байна. Г.Галбадрахын хувьд ОБЕГ-ын Гал түймэртэй тэмцэх газрын Гал унтраах хэлтсийн дарга, Сэлэнгэ аймгийн Онцгой байдлын газрын дарга, гамшгаас хамгаалах улсын хяналтын ахлах байцаагчаар ажиллаж байсан бөгөөд 2021 онд хурандаа цол хүртсэн.