Олон улсын Жүдо бөхийн холбоо /IJF/-ноос зохион байгуулдаг "IJF Judo Awards 2024" арга хэмжээний санал хураалт энэ сарын 10-нд хаагдана. 

Уг арга хэмжээнд:

• Хүүхдэд зориулсан жүдо
• Энхтайвны төлөөх жүдо
• Жилийн онцлох мөч
• Оны шилдэг дасгалжуулагч
• Өсөж буй од
• Жилийн шилдэг эмэгтэй жүдоч
• Жилийн шилдэг эрэгтэй жүдоч
• Оны шилдэг иппон гэх номинацnудаар шалгаруулалт хийх юм. 

Тэгвэл энэ дунд “Moment of the Year” буюу жилийн онцлох мөч номинацид МУГТ, 48 кг жингийн олимпын мөнгөн медальт тамирчин Б.Баасанхүүгийн жүдогийн замналыг онцлон нэр дэвшүүлжээ.

Түүний хувьд хүүхэд байхдаа "Judo For The World" баримтат цувралд оролцож, жүдогийн гараагаа эхэлж байсан бөгөөд 2024 онд дэлхийн аварга, Олимпын медальтан болсон нь тус төслийн үнэ цэнийг харуулсан гэж үзсэн байна.

Б.Баасанхүүтэй хамт уг номинацид 5 улсын жүдоч өрсөлдөж байгаа бөгөөд шагнал гардуулах ёслол 2025 оны Парисын их дуулгын үеэр буюу 2 сарын 2-нд болох аж.

Маргааш буюу 1 сарын 10-нд дуусах санал хураалтад оролцохыг хүсвэл https://judotv.com/awards#moment-of-the-year сайтаар орж, монгол тамирчиндаа саналаа өгөөрэй.