Монгол Улсын Засгийн газар Монгол, Францын хамтарсан “Бадрах Энержи” ХХК-ийн хөрөнгө оруулагч, Бүгд Найрамдах Франц улсад бүртгэлтэй “Орано Майнинг” компанитай байгуулах Хөрөнгө оруулалтын гэрээнд  өнөөдөр 11:40 цагт гарын үсэг зурна. Гарын үсэг зурах ёслол Төрийн ордонд болох юм. Уг хөрөнгө оруулалтын гэрээнд Монгол Улсын Засгийн газрыг төлөөлөн ямар хүмүүс гарын үсэг зурах вэ?

Гэрээнд гарын үсэг зурах эрх бүхий хүмүүс:

1. Монгол Улсын сайд, ЗГХЭГ-ын дарга Н.Учрал
2. Сангийн сайд Б.Жавхлан 
3. Аж үйлдвэр, эрдэс баялгийн сайд Ц.Туваан
4. Байгаль орчин, уур амьсгалын өөрчлөлтийн сайд С.Одонтуяа 
5. Цөмийн энергийн комиссын нарийн бичгийн дарга Г.Манлайжав 
6. “Эрдэнэс Монгол” ХХК-ийн гүйцэтгэх захирал С.Наранцогт

Гэрээний ач холбогдол

• Уг гэрээ нь Оюутолгойн дараа орох хоёр дахь том хөрөнгө оруулалт.
• Төслийн өгөөжийн 50+1-ээс дээш хувийг Монголын ард түмэн хүртэнэ.
• Монголоос авсан шар нунтаг ойрын 50-60 жилд Франц төдийгүй Европт цахилгаан, эрчим хүч болон нийлүүлэгдэнэ.
• “Орано Майнинг” малд сөрөг нөлөөгүй технологи ашиглана, малд үзүүлэх нөлөөллийн үнэлгээг байнга хийнэ.
• Малын үзлэг, шинжилгээ, нөлөөллийн үнэлгээний зардлыг “Орано Майнинг” гаргана.