БНСУ-ын дуучин Hwasa ирэх сард Монгол Улсад ирж, манай улсын эмэгтэй уран бүтээлчидтэй хамтран тоглолт хийх гэж буй талаарх мэдээлэл гарсан. Hwasa-н хувьд 2015 онд Mamamoo хамтлагийн бүрэлдэхүүнээрээ Монгол Улсад Ирж, Монгол Улс, БНСУ-ын хооронд дипломат харилцаа тогтоосны 25 жилийн ойн арга хэмжээнд үзүүлбэр үзүүлсэн байдаг. Тэгвэл хоёр даххь удаагаа манай улсад ирэх гэж буй Hwasa-тай танилцацгаая.

Нийтлэлийг зургаар үзэх бол энд дарна уу.

Hwasa гэж хэн бэ? 

• Hwasa-н жинхэнэ нэрийг Ahn Hye-Jin гэдэг бөгөөд тэрбээр 1995 оны 7 сарын 23-нд төрсөн, 29 настай. 
• Түүний тайзны нэр болох Hwasa нь “화사하다" (hwasahada) буюу “гэрэлтэх” гэх утгатай.
• Харин жинхэнэ нэр болох Hye-Jin нь хятад хэлэнд “Үнэний нэгүүсэл” гэх утгыг илэрхийлдэг байна. 
• Тэрбээр 2014 онд БНСУ-ын Mamamoo охидын хамтлагт дебютээ хийсэн бөгөөд 2019 онд соло карьераа анхны бие даасан “Twit” дуугаараа эхлүүлж байв.
• Hwasa өдгөө “P-Nation” энтертайнментад харьяалагддаг бөгөөд Инстаграм хуудаснаа 8.8 сая дагагчтай уран бүтээлч юм. 

“Maria” дууны амжилтын буухиа

• Hwasa 2021 онд “Maria” дуугаа цацаж, Gaon чартын хоёрдугаарт бичигдэж, Golden Disc болон Mnet Asian Music Awards-аас шагнал хүртсэн байдаг. 
• Түүнчлэн уг дуу нь Billboard World Albums чартад долоодугаарт орж, 2020 оны 7-р сарын 11-нд Billboard-ийн шилдэг цомгийн борлуулалтын жагсаалтад 81-т оржээ.
• Үүгээр ч зогсохгүй 2020 оны 9-р сарын 26-ны долоо хоногт уг дуу “Billboard K-pop Hot 100”-ийн 2-р байр, 2020 оны 10-р сарын 3-ны долоо хоногт “Billboard Japan Hot 100"-ийн 79-р байранд орсон байдаг.
• Мөн Billboard-ийн дэлхийн дижитал дууны борлуулалтын жагсаалтад зургаадугаарт оржээ.
• 2020 оны эцэст “Billboard K-pop Hot 100”-д Maria дуу жилийн турш Top 10-н дууны нэгээр шалгарсан бөгөөд тус дуу 19 долоо хоног дараалан жагсаалтад орсон байдаг. 
• Харин Spotify дээр "2020 онд хамгийн их тоглогдсон Солонгосын К-поп эмэгтэй уран бүтээлчийн бүтээл"-д мөн л 4-рт жагссан байна.

Соло карьер үргэлжилсээр

• 2020 оны 3-р сард Hwasa дуучин Dua Lipa-тай хамтран түүний "Physical" дууны ремикс хувилбарыг хийсэн байдаг.
• JTBC-ийн "Hidden Singer" шоуны 6-р улирлын буюу 2020 оны 9-р сарын 11-нд гарсан ангид оролцож, сүүлийн шатанд 79 саналаар ялсан аж.
• 2020 онд Hwasa "Refund Sisters" хамтлаг буюу Солонгосын алдартай уран бүтээлчид болох Jessi, Uhm Jung-Hwa, Lee Hyori нарын нэг хэсэг болж "Don't Touch Me" дуугаар дебютээ хийсэн нь Өмнөд Солонгост нэгдүгээрт бичигдэж байв.
• Амжилтаараа Hwasa "2020 оны YouTube-ийн дэлхийн шилдэг 100 Kpop шүтээнүүдийн хайлтын зэрэглэл"-ийн есдүгээрт жагссан.
• 2023 оны 9-р сарын 6-нд Hwasa хоёр дахь дижитал сингл болох “I Love My Body” дуугаа гаргасан нь АНУ-ын Circle Digital Chart болон Billboard World Digital Song жагсаалтын эхний 10-т багтжээ.

Тэр хэр алдартай вэ?

• Hwasa 2019 онд Korea Power Celebrity 40 жагсаалтад 26-р байранд орсон байдаг.
• Мөн Форбс сэтгүүлээс 2021 онд гаргасан “30 Under 30 Asia” жагсаалтад багтсан. 
• Тэрбээр Gallup Korea-аас жил бүр гаргадаг судалгаагаар 2018 онд хамгийн алдартай К-поп шүтээний 16-р байр, 2019 онд 9-р байранд тус тус орж байв.
• Мөн Gallup Korea-аас 13-39 насны залуусын дунд явуулсан судалгаанд “2020 оны Солонгосын оны шилдэг дуучин” номинацид 9-р байрт орсон байна.
• Hwasa Dior, La Perla, Miu Miu, Fendi, Balmain, John Hardy, Dolce & Gabbana, Alexander Wang, Bottega, Veneta, Givenchy, Burberry зэрэг алдартай брэндүүдтэй хамтран ажиллаж байсан. 
• Түүнчлэн Adidas, Sims 4, North Face зэрэг брэндийн нүүр царайгаар ажиллаж байв.