УИХ-ын гишүүн, Инновац, цахим бодлогын байнгын хорооны дарга Ж.Золжаргал Засгийн газарт утаанаас салах 5 зөвлөмж өгчээ. 

Түүний өгсөн таван зөвлөмж, алхам нь:

1. Сайн нүүрсээр түлш хийж угаарталтыг бууруул.
2. Хөх нүүрс биш, цахилгаан станц барь.
3. Хувийн сууц, утаагүй шийдэлд зээл олго.
4. Нүүрсгүй бүсүүд тогтоо.
5. Дулаалга, газ, цахилгаан халаалтыг төр биш иргэд өөрсдөө сонгоно! гэжээ.

Түүний хувьд УИХ-ын Байгаль орчин, хүнс, хөдөө аж ахуйн байнгын хорооноос зохион байгуулсан “Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” сонсголд идэвхтэй оролцож, цахим хаягуудаараа дамжуулан иргэдэд сонсголтой холбоотой мэдээлэл өгч байсан гишүүдийн нэг юм.

Мөн утааны сонсголын үеэр “Дөрвөн удаа хэлэлцүүлэг яваад, араас нь сонсгол хийж байхад албаны хүний танилцуулга дээр угаарын хордлогын статистик тоог гаргаж тавиагүйд үнэхээр харамсаж, шал дургүй хүрч байна” хэмээн сэтгэгдлээ хуваалцаж байв.