O COUTURE брендийн Сар шинийн баярт зориулсан “Үлэмжийн чанар” цуглуулгын сурталчилгаанд Жүжигчин Б.Цэцэг зургаа даруулсан нь олон нийтийн шүүмжлэлийг дагуулж байна. Олон нийтийн хувьд, янз бүрийн хар пиар хийдэг хүнийг ийм нэр хүндтэй бренд нүүр царайгаа болгож буй нь зүй ёсонд нийцэхгүй гэж үзэж, олон нийтийн сүлжээнд Cancel Culture давлагааг эхлүүлээд байгаа юм.

Тэгвэл уг асуудалтай холбогдуулан O COUTURE брендийн дизайнер Д.Отгонжаргал байр сууриа илэрхийлэхдээ, шүүмжилсэн эмэгтэйчүүд Б.Цэцэгтэй харьцуулахад"цочмоор хүүхнүүд" хэмээн доромжилжээ. 

Тэрээр "Харлуулах хар пиарчдаар сайн ч рекламдуулж авлаа, хэд хоног баярлалаа хө. Хэн нэгэнчүүдийн толгойнд ямар ч түрээсгүй оршино гэж хэн санах вэ. Ажлаа сайн хийсний шагнал байх даа. Хөдөлмөрч хүнийг бурхан шагнадаг гэдэг хэд хоног битүү хүнтэй хариу талархснаа бичиж амжсангүй ээ. Уучлаарай. Нээрээ манай моделийн хаана ч хүрэхгүй ороод харахаар цочмоор хүүхнүүд зогсож байна лээ шүү. Инфлюнсер хиймээр байгаа юм бол гоё болооч. Тэгвэл бас модел хийх саналууд ирнэ шүү дээ, таанууст хэн мэдлээ. Жич: Намайг болон ажлын брендийг харлуулж байгаа хүмүүст зориулсан үг шүү. Энэ бол хэрүүл биш үндэсний монгол үйлдвэрлэл. Олон хүний хөдөлмөр ажлыг өмөөрч бичсэн үг шүү" гэсэн байна.