Бизнесийн үйл ажиллагаа эрхлэх зэрэг иргэдийн амьдралаа сайжруулах боломжид хамгийн их дарамт учруулж буй тогтолцоо бол тусгай зөвшөөрөл.

Энэ тухай ЗГХЭГ-ын дарга Н.Учрал “...эрүүл мэндийн үйлчилгээ эрхлэхэд 133 шат дамжлага байна. 133 набор зөөнө” хэмээн егөөдөж байв.

Тэгвэл 251 төрлийн тусгай зөвшөөрлийн 122-ийг нь хууль давсан журмаар зохицуулж байжээ. Ийнхүү хууль давсан бүртгэл, журмыг цуцлах үүрэг даалгаврыг эрх бүхий байгууллагуудад өгөөд байгаа юм.

Одоогоор хуулиас давсан, давхардсан 32 журмыг бүхэлд нь хүчингүй болгож, 8 журмыг хэсэгчлэн өөрчилжээ. 

Барилга, хот байгуулалтын чиглэлээр

• 2021 оны 245 дугаар тушаалаар баталсан Хот байгуулалтын баримт бичиг боловсруулах эрхийг аж ахуйн нэгж, байгууллагад олгох, түүнд хяналт тавих журам
• 2021 оны 147 дугаар тушаалаар баталсан Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох, үйлчилгээний хөлс тогтоох, тэдгээрт хяналт тавих журам

Санхүү, төсвийн чиглэлээр

2021 оны 122 дугаар тушаалаар баталсан Санхүү, төсвийн асуудал эрхэлсэн төрийн захиргааны төв байгууллага болон түүний харьяа байгууллагаас олгох тусгай зөвшөөрлийг цахим хэлбэрээр шийдвэрлэх журам

Байгаль орчны чиглэлээр

• 2013 оны A/153 дугаар тушаалаар баталсан “Гарал үүслийн гэрчилгээ олгох, хяналт тавих журам”, “Мод, модон материалын гарал үүслийн гэрчилгээ”-ний загвар, "Ойгоос мод бэлтгэх эрхийн бичиг"-ийн загвар
• 2013 оны А/35 дугаар тушаалаар баталсан Амьтныг амьдаар нь болон амьтны гаралтай түүхий эд, судалгааны ажлын сорьц дээжийг гадаадад гаргах, гадаад улсаас оруулах журам
• 2017 оны А/75 дугаар тушаалаар баталсан "Ан амьтан, тэдгээрийн гаралтай түүхий эдийн гарал үүслийн тодорхойлолт олгох, хяналт тавих журам"
• 2018 оны А/21 дугаар тушаалаар баталсан “Аюултай хог хаягдлын дагалдах бичгийн маяг” Аюултай хог хаягдал үүсгэгч болон тээвэрлэх, цуглуулах, дахин боловсруулах, устгах, экспортлох үйл ажиллагаа эрхлэх аж ахуйн нэгжийг бүртгэх бүртгэлийн хуудас” “Аюултай хог хаягдал үүсгэгчийн тайлангийн маягт” “Аюултай хог хаягдал тээвэрлэгчийн тайлангийн маягт” “Аюултай хог хаягдал цуглуулах үйл ажиллагаа эрхлэгчийн тайлангийн маягт “Аюултай хог хаягдал дахин боловсруулах үйл ажиллагаа эрхлэгчийн тайлангийн маягт “Аюултай хог хаягдал сэргээн ашиглах үйл ажиллагаа эрхлэгчийн тайлангийн маягт” “Аюултай хог хаягдал устгах (ландфиллд булшлах, биологийн болон хими, физикийн аргаар боловсруулах, шатаах, халдваргүйжүүлэх, савлаж хадгалах) үйл ажиллагаа эрхлэгчийн тайлангийн маягт”
• 2022 оны А/290 дугаар тушаалаар баталсан Ойн дагалт баялгийн нөөц ашигласны төлбөрийн хэмжээг тогтоох
• 2022 оны A/325 дугаар тушаалаар баталсан ”Генетик нөөцтэй холбоотой уламжлалт мэдлэг эзэмшигчийг тогтоох, генетик нөөцтэй холбоотой уламжлалт мэдлэгийг ашиглах урьдчилсан зөвшөөрөл авах журам” “Урьдчилсан зөвшөөрлийн загвар” “Биосоёлын тэмдэглэлийн загвар” “Үр шимийн гэрээний загвар”
• 2023 оны А/428 дугаар тушаалаар баталсан Ойн мэргэжлийн байгууллагын ажиллах журам
• 2024 оны А/451 дүгээр тушаалаар баталсан Ойгоос мод бэлтгэх журам, Бэлтгэх модны санал, Гүйцэтгэлийн тайлан, Мод бэлтгэх гэрээ, Мод бэлтгэх гэрээний биелэлт, Мод тээвэрлэх хяналтын хуудас, Мод бэлтгэх эхлэл, төгсгөлийн акт, Мод бэлтгэлийн технологийн карт
• 2024 оны А/698 дугаар тушаалаар баталсан Химийн хорт болон аюултай бодис экспортлох, импортлох, хил дамжуулан тээвэрлэх болон үйлдвэрлэх, худалдах журам
• 2024 оны А/871 дугаар тушаалаар баталсан Генетик нөөцийг Монгол Улсын хилээр нэвтрүүлэх журам

Хөдөлмөр, үйлдвэрлэлийн чиглэлээр

• 2022 оны А/88 дугаар тушаалаар баталсан Ажиллах хүч нийлүүлэх үйлчилгээ үзүүлэх аж ахуйн нэгж, байгууллагад тавигдах шаардлага, бүртгэх журам батлах тухай
• 2023 оны А/26 дугаар тушаалаар баталсан Үйлдвэрийн зориулалттай машин механизм, тоног төхөөрөмжид гэрчилгээ олгох хүсэлтийг цахимаар хүлээн авах, хянах, гэрчилгээ олгох журам
• 2023 оны А/173 дугаар тушаалаар баталсан Хөдөлмөрийн аюулгүй байдал, эрүүл ахуйн сургалт явуулах, шалгалт авах журам, хөтөлбөр

Харилцаа холбоо, мэдээлэл технологийн чиглэлээр

• 2021 оны 73 дугаар тогтоолоор баталсан Өргөн нэвтрүүлгийн үйлчилгээний зах зээлд шударгаар өрсөлдөх нөхцөлийг бүрдүүлэх, хэт төвлөрөл үүсэхээс сэргийлэх журам
• 2023 оны 105 дугаар тогтоолоор баталсан Харилцаа холбооны сүлжээ, дэд бүтцийн суурилуулалт, засвар үйлчилгээг эрхлэх тухай зөвшөөрлийн нөхцөл, шаардлага
• 2020 оны 69 дүгээр тогтоолоор баталсан Радио холбооны сүлжээ сарниулах тоног төхөөрөмж  ашиглах журам
• 2021 оны 74 дүгээр тогтоолоор баталсан Харилцаа холбооны сүлжээний дугаарын ашиглалт, үйлчилгээг бүртгэхтэй холбогдсон журам
• 2020 оны 16 дугаар тогтоолоор баталсан Дотоодын хэрэглээний шуудангийн журам
• 2020 оны 65 дугаар тогтоолоор баталсан Дотоодын хэрэглээний холбооны сүлжээнд зохицуулалт хийх журам 

Дээрх 6 журмыг цуцалж, бусад 8 эрх зүйн актын холбогдох хэсэгт өөрчлөлт оруулан давхардсан стандартыг устгасан байна. Улмаар хуульд заасан хүсэлт шийдвэрлэх 22 өдрийг 8-9 өдөр болгон хөнгөвчилжээ.

Хууль зүй, дотоод хэргийн чиглэлээр

• 2015 оны А/189 дүгээр тушаалаар баталсан Жолоодох эрхийн үнэмлэх олгох журам
• 2018 оны А/142 дугаар тушаалаар баталсан Тээврийн хэрэгсэл жолоодох эрх дуусгавар болох, тээврийн хэрэгсэл жолоодох эрхийг сэргээх журам
• 2017 оны А/292 дугаар тушаалаар баталсан Тээврийн хэрэгсэлд тусгай дуут болон гэрлэн дохио тавьж хэрэглэх журам

Эрүүл мэндийн чиглэлээр

Эрүүл мэндийн яам холбогдох 7 журмыг хүчингүй болгосон талаар ЗГХЭГ-аас мэдээлсэн. Яг ямар журам, шат дамжлага байхгүй болсон талаар ЭМЯ-аас тодруулахад мэдээлэх болоогүй гэв. Сануулахад, ЗГХЭГ-ын дарга Н.Учрал “Эрүүл мэндийн үйлчилгэээ авахад 133 шат дамжлага байна. Ийм байхад Монголд яаж бизнес эрхлэгчид амьдрах юм бэ” хэмээн онцгойлон анхааруулж байсан удаатай. Гэтэл тус яамны холбогдох мэдээлэл хаалттай, хүртээмжгүй, цаг хугацаа алдсан, хүнд сурталтай хэвээр байна.