80 мянган еврогийн шагналын сантай Дэлхийн шатрын холбооны /FIDE/ чансаа өндөр, шилдэг эмэгтэй шатарчдын дунд зохиогддог Монакогийн гранпри тэмцээн болж байна. 

Тус тэмцээнд

• Монголоос Гавьяат тамирчин, Их мастер Батхуягийн Мөнгөнтуул,
• БНХАУ-ын Тан Жунгуй,
• ОХУ-ын Александра Горячкина, Катарина Лагно,
• Энэтхэгийн Хюмпи Конеру, Харика Дронавали, Казахстаны Бибисара Ассаубаева,
• Швейцарын Александра Костеньюк,
• Испаний Сарасадат Хадемалшарие,
• Германы Элизабет Пэйтз зэрэг шилдгүүд өрсөлдөж байна.

МУГТ Б.Мөнгөнтуул эхний өрөгтөө дэлхийн 12 дахь аварга Швейцарийн Александра Костеньюктай цагаанаар тоглон хожлоо. Тэгвэл өчигдөр хоёр дахь өрөгтөө энэхүү гранприд өрсөлдөж буй 10 шатарчныг чансаагаар манлайлж буй БНХАУ-ын их мастер 2017 оны дэлхийн аварга Тан Жунгуйтай хараар тоглож хайнцсан байна. Ингэснээр 1.5 оноотой тэмцээнийг тэргүүлж эхэллээ. Гараагаа тун сайн эхлүүлсэн МУГТ Б.Мөнгөнтуул, Энэтхэгийн их мастер Хюмпи Конерутай өнөөдөр цагаанаар тоглоно. 

Тус Монакогийн гранприд 

• 1-р байр чансааны 130 оноо 30 мянган евро

• 2-р байр чансааны 105 оноо 22 мянган евро

• 3-р байр чансааны 85 оноо 16 мянган евроны тус тус шагналтай бөгөөд тэмцээний аваргууд энэ сарын 28-нд тодорно.