Томуу, томуу төст өвчний нөхцөл байдлын талаар ХӨСҮТ-өөс мэдэээлэл өглөө. 

• Томуу, томуу төст өвчин улсын хэмжээнд АЛАГ ЦООГ ДЭГДЭЛТИЙН ТҮВШИНД байна.
• Алаг цоог дэгдэлтийн түвшинд 17 (80.9%) аймаг, харин Улаанбаатар хот болон 4 аймаг томуу, томуу төст өвчин идэвхжлийн түвшинд  байна.
• Амбулаториор хандан тусламж үйлчилгээ авсан хүмүүсийн 6.5% нь томуу, томуу төст өвчинтэй, эмнэлэгт хэвтэн эмчлүүлэгсдийн 20.4% нь амьсгалын замын цочмог хүнд халдварын шалтгаантай байна. 
• Томуу, томуу төст өвчнөөр өвчлөгсдийн дотор 74.0%-ийг 15, үүнээс 37.9%-ийг 5 хүртэлх насныхан эзэлж байна. Мөн амьсгалын замын цочмог хүнд халдварын шалтгаант эмнэлэгт хэвтэгсдийн 78.9% нь 15, үүнээс 53.1% нь 5 хүртэлх насанд бүртгэгдсэн байна.

Ямах вирусээр үүсгэгдэж байна вэ?

• Амьсгалын замын синцитиаль вирус 52.9% (9);
• Улирлын томуугийн А(H1N1)pdm09 11.8% (2). 
• Риновирус 21.9% (7);
• Аденовирус - 11.8% (2);

Дэлхийн бөмбөрцгийн хойд хагасын улс орнуудад томуугийн идэвхжил өндөр хэвээр байна. 

• Тухайлбал Хойд Америкийн улс орнуудад томуугийн А, Төв Америк ба Карибын тэнгисийн бүс нутаг A(H3N2), Өмнөд Америк, Баруун Африкийн бүс нутагт В, Азийн улс орнуудад A(H1N1)pdm09 вирус давамгайлан хүн амын дунд өвчлөл үүсгэж байна. 
• ДЭМБ-НДББ-ийн улс орнуудад 2025 оны 6 дугаар долоо хоногийн байдлаар томуугийн A(H1N1)pdm09 вирус давамгайлан орчилд байна. 
• БНХАУ-д  томуугийн идэвхжил буурч эхэлсэн ба ТТӨ 5.5% (өмнөх 7 хоногт 4.2%) байна. 
• Япон улсад  томуугийн идэвхжил буурсан байна.
• БНСУ-д ТТӨ-ий 1,000 хүн амд 30.4 тохиолдол бүртгэгдсэн (өмнөх 7 хоногт  30.4) байна. 
• Вьетнам улсад улаанбурхан өвчний дэгдэлт өндөр байна. 

Иймээс манай иргэд гадаад улс орнуудад албан болон албан бусаар зорчих, удаан хугацаагаар амралтаа өнгөрөөх, аялах байдлаар нилээд явдаг тул та бүхэн маань өөрсдийгөө хамгаалах, тухайн очиж буй улс орнуудад ямар өвчлөл зонхилж байгааг судлах, юуг анхаарах, ямар вакцин хийлгээд явах талаар мэдээлэл зөвлөмж авч хэрэгжүүлээрэй.