Apple компани лхагва гарагт iPhone загварын ухаалаг гар утасныхаа шинэ загварыг танилцуулсан. Энэхүү ухаалаг гар утас нь жил бүрийн есдүгээр сард худалдаанд гардаг iPhone-ын үндсэн загваруудаас хямд үнэтэй юм. Тус утсыг iPhone 16e гэж нэрлэсэн бөгөөд 599 ам.долларын үнэтэйгээр худалдаанд гарна. 

48 мегапикселийн Fusion камер нь гайхалтай зураг, видео авдаг бөгөөд нэгдсэн 2x Telephoto нь хоёр камерыг нэг дор багтаасантай адил. Үүрэн болон Wi-Fi сүлжээнээс гадуур үед яаралтай тусламж, мессеж, зэрэг нь iPhone 16e-ийн хэрэглэгчдэд боломжтой байх бөгөөд чухал үед тусламж авахад туслах юм. 

Энэхүү загвар нь “home button” товчлуургүй, хурууны хээ мэдрэгчгүй, харин эдгээрийн оронд нүүр царай таних сканнер, дэлгэцийн дээд хэсэгт мэдрэгчүүдтэй ажээ. Apple-ын iPhone бүтээгдэхүүний маркетинг хариуцсан дэд ерөнхийлөгч Кайан Дранс "iPhone 16e нь бидний хэрэглэгчдийн дуртай iPhone 16 загварын батерейны ашиглалт, хамгийн сүүлийн үеийн A18 чиптэй, шинэлэг камер, Apple Intelligence зэрэг онцлогуудыг багтаасан" гэж мэдэгдсэн юм. 

iPhone 16e нь хар, цагаан гэсэн хоёр matte өнгөтэй бөгөөд тус утсын урьдчилсан захиалга өнөөдрөөс эхэлж байна.