Delta Air Lines Даваа гарагт Торонтод ослын буулт хийсэн билээ. Канад улсад ослын буулт хийхээс өмнө АНУ-ын Миннеаполис хотоос зорчиж явсан уг онгоцонд 76 зорчигч, нисэх багийн дөрвөн гишүүн байжээ. Ослын улмаас хүний амь нас эрсдээгүй юм. Тус ослын дараа онгоцны багийнхан болон яаралтай тусламжийн ажилтнууд сүйрсэн тээврийн хэрэгслээс хүмүүсийг шуурхай гарган ажилласан байна. Эмнэлэгт хүргэгдсэн 21 зорчигч бүгд пүрэв гарагийн өглөө гэхэд бүгд эмнэлгээс гарсан гэж агаарын тээврийн компани мэдэгдсэн. 

Тухайн нислэгт зорчиж явсан хүн бүрд 30,000 ам.долларийн нөхөн төлбөрийг санал болгосон байна.  Ноён Женова ВВС-д 30,000 долларын нөхөн олговор нь онгоцны ослын хохирогчдод богино хугацааны санхүүгийн бэрхшээлтэй тулгарахад туслах "урьдчилгаа" төлбөр хэмээн цахим захидлаар мэдээлсэн юм. Дельтагийн дарга CBS News-т хэлэхдээ, нисэх багийнхан туршлагатай, ямар ч нөхцөлд бэлтгэгдсэн байсан гэдгийг хэлсэн. Мөн агаарын тээврийн компанийн тэргүүн Эд Бастиан CBS-д хэлэхдээ, онгоцны багийнхан "баатарлаг, хүлээж байсанчлан ажилласан" гэжээ. Тэрээр "Дельта" гамшигт нэрвэгдсэн хүмүүсийг үргэлжлүүлэн дэмжсээр байна гэжээ.

Дашрамд дурдахад 2013 онд Asiana Airlines компани Сан Францискогийн онгоцны ослын үеэр зорчигчдод анхны нөхөн төлбөрт 10,000 ам.доллар санал болгож байсан билээ.