Японы видео тоглоомын “Nintendo” компани борлуулалт сайтай байгаа “Switch” консолын дараагийн хувилбарыг танилцууллаа. Энэ онд худалдаанд гаргах шинэ төхөөрөмж нь тус компанийн сүүлийн найман жилийн хугацаанд гаргаж буй анхны ийм төрлийн бүтээгдэхүүн болох юм.  

“Nintendo” компани “Switch 2”-ын үнэ болон үзүүлэлтийн талаар мэдээлээгүй байгаа бөгөөд ирэх дөрөвдүгээр сарын 2-нд илүү дэлгэрэнгүй танилцуулга өгөх ажээ. Богино хэмжээний танилцуулга бичлэгээс үзэхэд шинэ төхөөрөмж өмнөхтэйгээ төстэй болох нь харагдана. Гэхдээ дэлгэц болон удирдлага нь илүү том хэмжээтэй дээр 180 градус эргэдэг болсон байна.

Тус компани дөрөвдүгээр сараас эхлэн дэлхийн томоохон хотуудад “Switch 2”-ыг туршин үзэх танилцуулга арга хэмжээнүүдийг зохион байгуулахаар төлөвлөжээ. “Nintendo” 2017 онд “Switch”-ийг худалдаанд гаргаснаасаа хойш дэлхий даяар 146 сая гаруй ширхэгийг борлуулсан нь Sony Playstation 2, Nintendo DS консолын ард орох үзүүлэлт юм.