Монголын үндэсний бөхийн холбоо барилдаанаа улирлын системд шилжүүлж, бөхчүүдэд чансаа тогтоохоо зарласан билээ.

Тэгвэл 2025 оны анхны чансаагаа албан ёсоор зарласан бөгөөд үүнд 390 бөх жагслаа. Анхдугаар чансааг тогтоохдоо улирлын нээлт, нийслэлийн 385 жилийн ой, Монгол Бахархлын өдөр, Улс тунхагласны ой, “Ерөнхийлөгчийн нэрэмжит цом” гэсэн таван барилдааны амжилтыг харгалзсан байна.

Анхны чансааг Өвөрхангай аймгийн Төгрөг сумын харьяат Монгол Улсын арслан Ц.Бямба-Отгон 3300 оноогоор тэргүүлжээ. Харин улсын заан С.Сүхбат 3000 оноогоор  дэд байрт эрэмбэлэгдсэн бол улсын начин Ч.Батчулуун 2650 оноогоор гуравт жагслаа.

Топ 10-ыг харвал

1. Монгол Улсын арслан Ц.Бямба-Отгон 3300 оноо

2. Улсын заан С.Сүхбат 3000 оноо

3. Улсын начин Ч.Батчулуун 2650 оноо

4. Аймгийн хурц арслан Н.Өсөхбаяр 2450 оноо

5. Улсын харцага Э.Даш  2350 оноо

6. Аймгийн арслан Д.Алтанцоож  2300 оноо

7. Улсын аварга О.Хангай  2200 оноо

8. Улсын начин Д.Амарсайхан 2100 оноо

9.  улсын начин Э.Батмагнай 2050 оноо

10. Улсын заан М.Лхагвагэрэл 2000 оноогоор эхний аравт багтсан байна.