Энэ жилийн Цагаан сараар шинийн нэгэн тасарсан тул 3 биш 2 хоног амарна гэж Гэр бүл, хөдөлмөр, нийгмийн хамгааллын сайд Л.Энх-Амгалан мэдээлсэн билээ.

Одоогийн байдлаар Засгийн газрын 11 11 төвд 250 гаруй иргэн Цагаан сарын амралтыг сунгах хүсэлт гаргаад байгаа. Тэгвэл Л.Энх-Амгалан сайд Засгийн газрын хуралдаанд шинийн таван хүртэл буюу 3-р сарын 4-н хүртэл амрах саналыг гаргасан байна. Саналыг маргааш хуралдаанаар шийднэ.

Энэ талаар ГБХНХЯ-аас тодруулахад “Сайд санал гаргасан нь үнэн. Шинийн 5-н хүртэл амрах буюу лхагва гарагаас ажилдаа орохоор саналд тусгасан” гэлээ. Өөрөөр хэлбэл, нийт 4 хоног амрах юм. Нийтээр тэмдэглэх баярын болон тэмдэглэлт өдрүүдийн тухай хуулиар бол шинийн 1, 2, 3 гэсэн 3 өдөр амрах учиртай.