Эрдэнэс Тавантолгой ХК-ийн 1072 хувьцааны үлдсэн ногдол ашгийг хоёр хувааж олгохоор болсон. Тодруулбал, 1072 хувьцааны ногдол ашиг 350 гаруй мянган төгрөг байгаа. Үүний 135 мянгыг оны өмнө олгосон. Үлдсэн 200 гаруй мянган төгрөгийг хоёр хуваагаад эхний 100 мянга гаруйг Цагаан сарын өмнө, хоёр дахийг нь хавар дөрвөн сард олгоно гэж мэдэгдсэн билээ. 

Тэгвэл өнөөдөр ногдол ашгийн эхний 100 мянгыг иргэдийн дансанд шилжүүлж эхэллээ. Тодруулбал, 1072 хувьцаатай нэг иргэнд 100.006 төгрөг, 88 мөнгө орж байгаа юм.

Ташрамд, Засгийн газраас 1072 хувьцааны ногдол ашгийг бэлнээр авах, хуримтлуулах, хандивлах гэсэн гурван сонголтоор санал асуулга явуулахад 256,423 иргэний 243,148 буюу 94.8% нь бэлэн мөнгөөр авах санал өгсөн байдаг.