НИТХ-ын ээлжит бус IV хуралдааныг өнөөдөр 10 цагаас товлосон бөгөөд 45 төлөөлөгчийн 27 /60 хувь/ нь хуралдаа ирснээр эхэлсэн байна. 

Өнөөдрийн хуралдаанаар 25 асуудлыг хэлэлцэхээр зарласан. Тодруулбал, 

1. 20 минутын хот бодлогын хүрээнд хэрэгжүүлэх төслүүдийн талаарх танилцуулга
2. Нарангийн энгэрийн төвлөрсөн хогийн цэгт хог хаягдлаас үүсэх метан хийг устгах төслийг хэрэгжүүлэх
3. “Барилгын хог хаягдлыг дахин боловсруулах үйлдвэр” ОНӨААТҮГ байгуулж, дүрмийг батлах
4. “Түлшний хяналтын газар” ОНӨААТҮГ-ыг байгуулж, дүрмийг батлах
5. “Дулааны тавдугаар цахилгаан станц” ОНӨТҮГ-ыг байгуулж, дүрмийг батлах
6. Газрыг улсын тусгай хэрэгцээнд авах тухай
7. Барилга акталж, нийслэлийн мөчөөс хасах тухай
8. “Улаанбаатар түншлэл төв”  ХХК-ийг байгуулж, дүрмийг батлах тухай гэхчлэн асуудлуудыг хэлэлцэх аж. 

Хэлэлцэх асуудлууд дунд дөрвөн байгууллага шинээр байгуулж, нийслэлийн бүтцийг тэлэх гэж байгаа бололтой.

Гэтэл ЗГХЭГ-ын дарга Н.Учрал саяхан “Төрийн бүтээмжийг нэмэгдүүлэх хүрээнд төрийн албыг цомхон болгож, төрийн алба хаагч нарын дунд 30 хувийн цомхотгол хийнэ” гэж мэдэгдэж байсан.

Хэтэл нийслэлийн түвшинд шинэ нэгж, компаниуд байгуулж, төрийн албаны бүтцийг тэлж байгаа нь Засгийн газрынхаа бодлогын эсрэг байна гэж ойлгож болох уу. Олон толгойтой мангас шиг хэдэн талд өөр өөр шийдвэр гаргаж байгаа төр засгийнхаа бодлогод манарч дууслаа, иргэд чинь.