Дэлхийн шатрын холбооны /FIDE/ чансаа өндөр, шилдэг эмэгтэй шатарчдын дунд зохиогддог Монакогийн гранпри тэмцээнд манай шатарчин Б.Мөнгөнтуул 10 өрөгт нэг ч хожигдолгүй 5.5 оноо авснаар тэмцээнийг тэргүүлсэн 3 шатарчны нэг болов. Түүнээс гадна Оросын Александра Горячкина, Энэтхэгийн Хампи Конеру нар мөн 5.5 оноо авч тэд гурав тэмцээнийг адил оноогоор тэргүүлж, 1-3 байр эзэлж байна. 

Б.Мөнгөнтуул мастер дэлхийн шилдэг эмэгтэйчүүдийн гранпри цувралд анх удаа медальт байрт шалгарч, шатрын спортын түүхэнд онцгой амжилт үзүүллээ.

Тус гранпри

• 1-р байр чансааны 130 оноо 30 мянган евро

• 2-р байр чансааны 105 оноо 22 мянган евро

• 3-р байр чансааны 85 оноо 16 мянган еврогийн шагналтай юм.