"ХУВЬСАЛ" продакшны 9 дэх бүтээл "АМИНЧ" уран сайхны кино өнөөдөр буюу 2025 оны 03-р сарын 05-нд нээлтээ хийлээ.
Тус бүтээл нь адал явдалт, триллер төрлийн кино бөгөөд дүрүүдэд МУГЖ У.Уранчимэг, дуучин ThunderZ буюу Б.Өлзий-Учрал, МУГЖ П.Эрдэнэзаан, МУАЖ Ж.Оюундарь, Н.Хандуулга, Х.Мөнхжаргал, Т.Дашсурмаа, Б.Сэтгэлтүвшин, У.Нартай, З.Тэмүүжин, СТА Н.Бадарч, И.Дашнамжил нар тогложээ.

Киноны ерөнхий найруулагчаар СТА Г.Бямбасүрэн ажиллаж, ерөнхий продюссераар МУГЖ У.Уранчимэгийн охин Ц.Анударь ажилласан байна.
Ташрамд, киноны албан ёсны нээлтийн үйл ажиллагаа өнөөдөр 17:00 цагаас The Corporate convention center-т болох юм. Харин бусад бүх кино театраар цагийн хуваарийн дагуу үзэгчдэд хүрч эхлээд байна.