Өнөөдөр өглөө 10 цагийн орчимд Сөүлээс хойд зүгт 40 км-ийн зайд орших Почон хотод нэгэн байшингийн ойролцоох зам дээр тэсрэх сум унасан ноцтой осол гарчээ. 

Ослын улмаас 7 хүн хөнгөнөөс хүнд гэмтэл авч, одоогоор эмнэлэгт хүргэгдэн эмчлүүлж байгаа аж. Мөн тухайн бүсэд байрлах нэг сүм болон 6 барилга бүрэн сүйдсэн байна. 

Уг осол нь байлдааны сургуулилтад оролцож байсан KF-16 сөнөөгч онгоц сургуулилтын талбайн гадна MK-82 загварын 8 бөмбөгийг санамсаргүй хаяснаас үүдэлтэй болохыг цэргийн албаныхан мэдээллээ. 

Агаарын цэргийн хүчин уг хэргийн мөрдөн шалгалтыг эхлүүлсэн бөгөөд иргэдэд учирсан хохирлын төлөө уучлал хүсэж буйгаа илэрхийлсэн байна.

Эх сурвалж: MKOR - Солонгос хөтөч