Сар шинийн баярын өдрүүдэд цагдаагийн байгууллагад нийт 10573 дуудлага, мэдээлэл иржээ. 

Үүнээс гэмт хэргийн шинжтэй 476, зөрчлийн шинжтэй 3915, зам тээврийн ослын шинжтэй 2107 дуудлага бүртгэгдэж, согтуугаар жолоо барьсан 299 зөрчлийг илрүүлсэн байна. 

Мөн гэр бүлийн хүчирхийлэл болон ахуйн хүрээнд архидан согтуурсан 894 хүнийг эрүүлжүүлснээс 794 нь эрэгтэй 794 байжээ. 

Түүнчлэн орон нутгийн замд хөдөлгөөний ачаалал эрс нэмэгдэж, зам тээврийн ослын улмаас нийслэлд нэг, орон нутагт 10 хүн нас барж, 41 хүн бэртсэн байна. 

Ташрамд, олон нийтийн сүлжээнд цацагдаад байсан Сүхбаатарын талбай дээр дөрвөн дугуйт тээврийн хэрэгслээр зорчсон иргэний бичлэг нь 2022 онд болсон үйл явдал гэдгийг цагдаагийн байгууллагаас мэдээлэв.