Шадар сайд С.Амарсайхан Өрөг.мн сайтын Өрөг ярилцлага нэвтрүүлэгт оролцжээ. Энэ үеэр нэвтрүүлгийн хөтлөгч, сэтгүүлч Б.Болорчимэг түүнийг Богдхан уулын тусгай хамгаалалттай газар амьдардгийг дурдаад, тусгай хамгаалалттай газар хэрхэн газар авч, байшин барьсныг нь асуухад бага наснаасаа ажил хийж, бизнес эрхэлсэн зэргээр хариулж асуултаас бултав. 

Өрөг.мн сайтын бүтэн ярилцлагыг ЭНД ДАРЖ үзнэ үү. 

Сэтгүүлч Б.Болорчимэг: Та Богдхан уулын тусгай хамгаалалттай газар хаустай. Богдхан уулын тусгай хамгаалалттай газарт аялал жуулчлалын зориулалтаар л газар эзэмшүүлдэг шүү дээ?

Шадар сайд С.Амарсайхан: Би 7, 8 настайгаасаа ах эгч, аав ээжээ дагаж, сургууль цэцэрлэгийн хана буддаг байлаа. Аавыг дагаад халтуур хийж, аав надад шугам тавьж өгөөд би ханыг нь өнхрүүшддэг байсан юм. Энэ үе минь нүдэнд харагдаж байна. Тэр цаг үеэс эхлээд ах дүүгээрээ байнга хөдөлмөрлөж ирсэн. Унаж боссон үе бий. 1995 онд АНУ-д сурч байхдаа Хонконгийн хөрөнгө оруулалтыг татаж, доо яриад байгаа нефтийн үйлдвэрийн төслийг 1999 онд эхлүүлж байсан юм. Тэр үед Петровис, НИК гэдэг компаниудын лобби орж, тоног төхөөрөмж нь гааль дээр ирчихсэн байхад оруулахгүй гэдэг Засгийн газрын шийдвэр гарч, газрыг нь цуцалж байсан. ТЭЗҮ, байгаль орчны үнэлгээг тухайн үед Барсболд сайд цуцалж байсан. Тэр газар дээр 2000 онд 30-40 сая ам.доллар оруулчихсан байсан. Ингээд уг төслийг үгүй хийж, бүгдийг нь шатааж байсан. Дараа нь City phone компанийг оруулж ирж, хамгийн хямд утас, интэрнетийг оруулж ирснээс гадна IMAX-ийг оруулж ирж байлаа. Дараа нь Сайханбилэг лицензийг нь цуцалж зогсоож байсан гашуун түүхтэй. 

Тэр хаусыг 2010 онд улс төрд орохоосоо өмнө барьж, орж байсан. Үүнийг мушгиж улс төрд орчхоод газар аваад, байшин барьчихсан юм шиг ярьж байна.