Хотын дарга Х.Нямбаатар Засгийн газрын хуралдаанд оролцлоо. Хуралдаан дууссаны дараа тэрээр сэтгүүлчдэд хариулт өгөв. 

Энэ үеэр тэрээр "Улсын дугаарын олголтыг тодорхой хэмжээнд хязгаарласнаас хойш автомашины улсын дугаарын бизнес цэцэглэж байна. Би сая АТГ-т бичиг өгчхөөд ирж байна. Улаанбаатар хотын замын хөдөлгөөнд үзлэг оношилгоонд ороогүй маш олон тооны улсын дугаарууд хаанаас гарч ирээд байгааг шалгуулна. Улсын дугаартай бол даатгал хийлгэж, татвараа төлсөн байх ёстой. Авто тээврийн үндэсний төв болон авто тээврийн оношилгооны төвүүд хүчингүй болсон дугааруудыг сэргээж, дугаарын шагийн бизнес хийж байна уу гэж хардаж байна. Тодорхой баримт ч бий. АТГ-т энэ асуудлаар хандсан" гэлээ.