Өндөрхаан-Чойбалсан чиглэлийн хатуу хучилттай замын Цагаанхоолой гэдэг газрын 50 км замыг эвдрэл гэмтэлтэй учир “Тамын 50” гэж нэрлээд удаж байна. Уг зам эвдэрснээс болж иргэд амь нас, эрүүл мэнд, эд хөрөнгөөрөө хохирсоор байгаа юм. Ялангуяа, саяхан зүүн гурван аймагт гарсан түймрийн үеэр уг замаар зорчиход хүндрэл бэрхшээлтэй байсан билээ. 

Энэ талаар Зам тээврийн сайд Б.Дэлгэрсайхан "Тамын 50 хэмээн нэрлэгддэг замын тендер өнөө маргаашгүй зарлагдах гэж байна. Тус замын шинэчлэх санхүүжилтийг Дэлхийн банкнаас гаргана. Тендерийг Худалдан авах ажиллагааны газар зохион байгуулна" гэлээ.