Хөгжлийн банкны тухай хуулийг шинэчилсэн найруулгаар УИХ-д өргөн барих талаар Хөгжлийн банкны захирал З.Нарантуяа танилцуулсан байна. Энэхүү хуулийн гол агуулга нь экспортыг нэмэгдүүлж, аж ахуй нэгжүүдийн гадаад зах зээл дээр өрсөлдөх чадварыг нэмэгдүүлэхэд чиглэсэн аж.

Энэ талаар Хөгжлийн банкны захирал З.Нарантуяа "Сүүлийн 3 жилийн турш зөвхөн зээл төлүүлэхэд анхаарч байлаа. Тэгвэл одоо энэ хуулийг батлуулснаар хөгжлийн зорилтот зах зээл рүү чиглүүлж санхүүжүүлэх боломж бүрдэнэ. Институтын хувьд Хөгжлийн банкны үүрэг роль тодорхой байх ёстой. Тиймээс бүх салбарт хөрөнгө оруулалт хийхгүй. Зөвхөн валютын орлогыг өсгөх, экспортыг нэмэгдүүлэхэд чиглэнэ. 

Үүнээс гадна засаглалын том өөрчлөлтийг хийнэ. Олон улсын компанийн засаглал болон комплеансыг засаглалтай болно. Өөрөөр хэлбэл, бид арилжааны банктай төстэй үйл ажиллагаа явуулж байсан бол цэвэр  хөгжлийн төслийг санхүүжүүлдэг, тэрэнд зориулсан хөрөнгө босгодог болно" гэлээ.