Засгийн газрын өнөөдрийн хуралдаанаар Эгийн голын усан цахилгаан станцын төсөлд Монголын талын хийж гүйцэтгэх 4 судалгааны ажил, туслах далангийн ТЭЗҮ-ийг боловсруулах санхүүжилтийн асуудлыг хэлэлцэж, дэмжжээ. 

Энэ талаар Байгаль орчин, уур амьсгалын өөрчлөлтийн сайд С.Одонтуяа "Эгийн голын усан цахилгаан станцын төсөл амжилттай үргэлжилж байна. Ажлын даалгаврын төлөвлөгөөний дагуу 2026 оны нэгдүгээр хагаст уг төслийн нөлөөллийн талаар эцсийн дүгнэлт гарна. Энэ дүгнэлт гараад, станцаа барих юм бол манай улсын эрчим хүчний салбарт томоохон чухал хувь нэмэр оруулна" гэлээ.