Засгийн газрын ээлжит хуралдаанаар 21 аймаг, нийслэлд ямар нэг төлбөр, хураамж нэмэгдүүлэх, татвар нэмэгдүүлэхийг хориглолоо.

Энэ талаар ЗГХЭГ-ын дарга Н.Учрал "Монгол Улс төрийн байгууламжийн хувьд нэгдмэл улс. Энэ утгаараа 21 аймаг, нийслэлд ямар нэг төлбөр, хураамж нэмэгдүүлэх, татвар нэмэгдүүлэхийг хориглолоо. Цаашдаа УИХ-д өргөн мэдүүлэх хууль тогтоомжуудыг дагалдуулж, татвар, төлбөр, бүх төрлийн хураамж нэмдэг асуудлыг зогсооно гэсэн үг. Ард иргэд цаашид үнэ нэмэгдэх, төлбөр татвар нэмэгдэхэд санаа зовох зүйлгүй. Засгийн газраас хориглосон гэдгийг хариуцлагатайгаар хэлье. 

Уул уурхайн бүтээгдэхүүний үнэ унаж байна. Энэ цаг үед шаардлагагүй төсөл хөтөлбөр, хөрөнгө оруулалтыг түр хугацаанд царцааж, хэрэглээгээ хумина" гэлээ.