Итали улсын Турин хотноо Дэлхийн тусгай олимпын өвлийн наадам гуравдугаар сарын 8-аас 16-ны өдөр болж буй билээ. Уг олимпод Монголын баг тамирчид амжилттай оролцож байна.

Тус олимпын анхны медаль болох хүрэл медалийг манай тамирчин А.Алтан-Очир Snowboarding-ийн Giant Slalom төрөлд авсан. Мөн уг М.Энхзаяа шагналт 4-р байранд орсон. Ингээд зогсохгүй тэд Snowboarding-ийн дараагийн төрөлд дахин оролцож, А.Алтан-очир дахин мөнгөн медаль, М.Энхзаяа байраа ахиулж хүрэл медаль хүртсэн. Тэгвэл өчигдөр 15 настай А.Азжаргал  альпийн цанын төрөлд уралдаж, алтан медаль авчээ. 

Одоогийн байдлаар Монгол Улс 1 алт, 1 мөнгө, 2 хүрэл медаль аваад байна.