Өчигдөр буюу гуравдугаар сарын 12-ны үүрээр Баянгол дүүрэгт байрлах авто худалдааны төв шатаж, 21 ширхэг автомашин хайрагджээ.

Тодруулбал, Баянгол дүүргийн 21 дүгээр хороонд байшин шатаж байна гэсэн дуудлагыг гуравдугаар 12-ны өдрийн 06:20 цагт Онцгой байдлын алба хүлээн авчээ. Дуудлагын дагуу Чингэлтэй дүүргийн Онцгой байдлын хэлтсийн 10 дугаар анги, Сонгинохайрхан дүүргийн Онцгой байдлын хэлтсийн 26 дугаар ангийн алба хаагчдыг очиход 50х70 метрийн хэмжээтэй авто худалдааны төвийн барилгын хана, дээврийн хэсэг, эд зүйл шатаж 21 ширхэг автомашин хайрагдсан байсан. Уг галыг онцгой байдлын албаныхан унтраасан байна.