Эмнэлгийн түргэн тусламжийн автомашин Төв аймагт осолдож 6 хүн нас барж, хоёр хүүхэд гэмтсэн. Тэгвэл ослын газарт авто тээврийн хяналтын хэлтсийнхэн ажиллаж, автобусны хар хайрцгийг цагдаагийн байгууллагад хүлээлгэн өгсөн байна. 

Мөн эмнэлгийн тээврийн хэрэгсэл автобусны урдаас орж ирсэн. Автобус тухайн үед 64 км/ц хурдтай явж байсан гэж урьдчилсан мэдээлэл өгчээ.

Уг ослыг эргэн сануулахад, Төв аймгийн Өндөрширээт сумын нутаг дэвсгэрт орших Талын уул гэх газар буюу Улаанбаатар-Арвайхээр чиглэлийн авто замын 170 дахь км орчимд “Toyota Hiace” маркийн автомашины жолооч нь Улаанбаатар хотоос Завхан аймгийн чиглэлд зорчиж явсан “Kia Grandbird” маркийн том оврын автобустай мөргөлдсөн юм.

Ослын улмаас “Toyota Hiace” маркийн автомашинд зорчиж явсан таван хүн, жолоочийн хамт нийт зургаан хүн нас барж, хоёр хүүхэд гэмтсэн билээ.