З хэмээх эмэгтэй 2022 оны 10-р сарын 25-ны өдөр Синдерелла эмнэлэгт филлер тарилга хийлгэжээ. Тарилгыг хийхдээ аргачлалын дагуу хийгээгүйн улмаас тус эмэгтэйн баруун нүдний торлог бүрхүүлийн артерын судас филлерээр бөглөрч, торлог бүрхүүлийн цусан хангамж алдагдсанаас бол баруун нүд нь хараагүй болсон байна. Уг хэрэг 2023 оны 6-р сард олон нийтэд мэдээлэгдэж, эмнэлгийн захирал Б.Уянгыг цагдаагийн газраас шалгаж байсан билээ. Тэгвэл уг хэрэг одоог хүртэл шийдэгдээгүй байгаа бөгөөд иргэн З энэ талаар байр сууриа илэрхийлсэн байна.

Тэрээр “Хэн ч сохорно гэж мэдсэн бол филлер тарилгыг хийлгэхгүй. Мэргэжлийн баг хамт олонтой, захирал нь 10 орчим гадаадын сургууль, курс төгссөнөө вебсайт дээрээ зарласан, итгэж болохоор үйлчилгээтэй, мэргэжлийн мэт харагдсан учраас, Синдерелла эмнэлэг, эмчийн зүгээс энэ тарилгыг хийлгэвэл үр дүнтэй гэж зөвлөсөн учраас л хийлгэсэн. Зөвхөн би биш, өнөөдөр бүгд л над шиг гэнэддэг, итгэдэг. Би тэртэй тэргүй амьдралаа, бие сэтгэл нүдээ алдсан. Насан турш хөгжлийн бэрхшээлтэй 65% алдангитай баруун талаа харалгүй биеэ цохьдог, маш хурдан ядардаг, хөдөлмөрийн бүтээмжгүй, зүүн тархины судасны агшилтаас болж толгой маш их өвддөг, хараатай үлдсэн зүүн нүдний хараа сүүлийн 2 жилд огцом муудсан, хэцүүхэн хүн болсон. Намайг та нар минь загнах, чичлэх биш өөрсөддөө бас хайртай хүмүүстээ л анхааруулга болгож аваарай. Хохирсны дараа хэн ч амьд хүн шүү дээ гэж өөртэйгөө зүйрлэж хайрладаггүй, ойлгодоггүй, хууль шүүх нь нулимдаг, төрийн байгууллагууд нь авилгадаа идэгдсэнийг ард олон нь харааж тавладагийг хардаг юм билээ. 2022 оноос хойш 3 шатны хүндхэн шүүхүүд, хүнд амьдралд нугчигдаж яваа Синдерелла эмнэлгийн хохирогчоос" гэсэн байна. 

Тэгвэл ганц З гэх эмэгтэй бус тус эмнэлгээр үйлчлүүлсэн иргэд ч хохирсон талаараа фэйсбүүк дэх Синдерелла эмнэлгийн хохирогчид хаягт бичицгээж байна.

Уг гомдлуудыг Синдерелла эмнэлгийн захирал Б. Уянгад холбогдох хэргийг мөрдөж буй Баянзүрх дүүргийн цагдаагийн 1-р хэлтсийн мөрдөгчид шилжүүлж өгөх аж. Тус эмнэлэг одоо хүртэл ажилласаар байна.